Lugo, 14 de xullo de 2014. O delegado de Cultura e Turismo da Deputación de Lugo, o nacionalista Mario Outeiro, vén de reunirse con Marcos Maceira, presidente da Mesa pola Normalización Lingüística, para asinar un convenio entre ambas entidades para a posta en marcha de diversas iniciativas destinadas a promover o emprego da lingua galega entre a poboación en xeral pero especialmente entre a mocidade.
Dito convenio regula a subvención que a Deputación de Lugo outorga á Mesa pola Normalización Lingüística por valor de 28.000 euros para dinamizar o emprego do galego na administración pública, nas escolas e nas empresas, así como para garantir o cumprimento dos dereitos lingüísticos.
Durante a xuntanza, o delegado de Cultura referiuse á Mesa de Normalización Lingüística como “a maior das asociacións culturais galegas”. E estas afirmacións non son de balde xa que a Mesa pola Normalización Lingüística é unha organización consolidada, implantada en toda Galiza, con 4.000 socios e socias e unha repercusión social moi importante; en definitiva, a casa común do traballo pola normalización do idioma, que implica nas súas accións a todo tipo de organizacións, institucións e empresas.
Asemade, Outeiro lembrou algunhas coincidencias, cada vez máis, entre a área de Cultura da institución provincial e o mencionado colectivo. Neste sentido referiuse ao “traballo claro e inequívoco que desenvolvemos pola defensa da nosa lingua” ou á “crítica a toda a normativa aprobada pola Xunta de Galiza en materia de Normalización Lingüística, que non fai senón reducir o uso do galego coma se este fose un idioma estranxeiro no seu propio país”.
Filgueira Valverde
A día de hoxe, a ese pensar común, hai que engadir a crítica á elección da Real Academia Galega da figura de Filgueira Valverde como escritor homenaxeado das Letras Galegas para o 2015.
Neste sentido, Mario Outeiro foi crítico coa decisión da Real Academia Galega, tachando de “pouco oportuna” a elección “dunha figura que tivo todo tipo de responsabilidades durante a Ditadura Franquista, unha das épocas máis escuras para o noso idioma”.
Así mesmo, o delegado de Cultura alegou que “había outras candidaturas que xerarían un maior consenso e máis explotables dende un punto de vista didáctico, como é o caso de Manuel María, que a finalmente elixida”.
“Crisálida” é unha peza que combina emoción, reflexión e entretemento, ofrecendo unha experiencia escénica que promove valores de igualdade e transformación persoal. A actividade enmárcase dentro da programación do Área de Muller e Igualdade do Concello de Xove, en colaboración co Ministerio de Igualdad, o Goberno de España e o Pacto de Estado contra a violencia de xénero. O acceso é libre e gratuíto ata completar aforo. Desde o Concello de Xove, convidan a toda a veciñanza a participar e a gozar dunha tarde de cultura compartida, reforzando o seu compromiso cunha sociedade máis xusta, inclusiva e igualitaria.
Tiña 68 anos. Os seus restos son velados no tanatorio de O Valadouro. O enterro terá lugar este xoves. Este mércores ao mediodía, a Corporación Municipal xunto con membros da Corporación do Concello do Valadouro e compañeiros de partido, traballadores do Concello e veciñas e veciños realizaron un acto na memoria do tamén Primeiro Tenente de Alcaldesa do Concello de Alfoz. Efigenia Maseda pronunciou unhas palabras e gardouse un minuto de silencio. O acto rematou con aplausos en recordo de Jorge Val
O Concello de Xove, coa colaboración do IES Illa de Sarón, organizou esta proxección sobre a mobilización contra o proxecto de construción dunha central nuclear no municipio nos anos setenta. Tivo lugar este luns 10 de xaneiro no Salón de Actos. Ademais do alumnado e profesorado do IES de Xove, tamén asistiu público interesado neste episodio.
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Entre os participantes destacou a presenza do Excmo. Sr. Bispo de Mondoñedo Ferrol D. Fernando García Cadiñanos. Tamén participaron membros de Cáritas diocesana de Ferrol. O camiño foi un descubrimento para moitos, con paraxes diferente nos seus 7 Km de percorrido.
