A Deputación trae, un ano máis, á provincia de Lugo o Barco Muralla; unha aula turístico e ambiental na que se ofrecen actividades e formación sobre o espazo natural da provincia. Esta fin de semana o barco inicia a súa ruta de verán, comezando polo municipio de O Incio. É o primeiro dos Concellos ós que se achegará a embarcación neste ano que ademais visitará durante os meses de verán máis de 70 localidades como Burela, Viveiro, Monforte de Lemos e Vilalba entre outros.
O proxecto, que leva activo dende o ano 2010, chegou xa a máis de 50.000 persoas que desfrutaron e aprenderon de primeira man a riqueza patrimonial, natural e histórica da provincia, como por exemplo as Reservas da Biosfera.
O Barco Muralla de Lugo conta con todo tipo de información medioambiental e mobiliario e material náutico que foi doado gratuitamente polas confrarías de pescadores da Mariña e o Concello de Viveiro. Ademais, os visitantes poderán coñecer, mediante unha exposición de imaxes cedidas pola asociación Terra de Viveiro, algunha das fotografías máis emblemáticas da provincia, entre as que destaca a máis antiga que se conserva do porto viveirense.
A embarcación, que a Deputación trasladará por practicamente a totalidade da xeografía lucense, pesa 3.500 quilos e conta cunha dimensión exterior total de 12 metros de longo e 5 de alto. Está totalmente ambientada coma os barcos da zona da Mariña, e as súas cores son o vermello e o azul marino, seguindo a simboloxía heráldica da Deputación, e o verde, seguindo as cores de Lug02 e do medio natural.
O seu interior está dotado con ordenadores e todo tipo de información medioambiental para que as persoas que alí se acheguen comprendan mellor o espazo e riqueza natural da provincia. Ademais, nel pódense atopar redes, timóns, brúxulas, nasas, luces, salvavidas, barómetros, equipos de localización de buques, radio balizas de pesca ou balsas hincables de salvamento orixinais, e que no seu día se empregaron no traballo realizado en barcos mariñanos.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
