Barreiros, 18 de xullo de 2014. O BNG de Barreiros celebra o vindeiro domingo, 20 de xullo, a súa tradicional Manifesta da Patria Galega, que chega xa á IX edición.
Nesta ocasión, a formación nacionalista achegarase á área recreativa de A Insua para organizar un xantar e unha xornada de convivencia con carácter previo á celebración do Día da Patria Galega, o 25 de xullo. Os nacionalistas barreirenses iniciaron hai xa nove anos a celebración desta Manifesta con unha dupla intención: “por un lado, pretendemos animar á xente na celebración do Día da Patria Galega e á participación nos diversos actos que se programan, coma a manifestación do 25 de xullo en Compostela”, explica a responsábel local, Belén Fernández. “Pero por outro lado, desde a primeira edición, pretendemos pór en valor espazos de interese no noso concello. Por iso temos organizado esta Manifesta no Santo Estevo do Ermo ou á beira do río Masma. Nesta ocasión, escollemos a área recreativa da Insua e organizamos un roteiro que percorrerá o Santo Estevo do Ermo e o pico de Penabor, entre outros lugares de interese.” A saída farase desde a propia área de A Insua, onde hai espazo para deixar os coches, ás 10:30h. A volta está prevista para algo antes da hora do xantar, ás 14:30h, “ao que convidamos a asistir a todas as persoas que queiran acompañarnos neste día”, animan desde o BNG.
Xa despois do xantar, tocará o turno das intervencións políticas, nas que tomará parte a Deputada no Parlamento Galego, Ana Pontón e a continuación haberá música e xogos tradicionais para pasar unha tarde de convivencia e divertimento.
Desde o BNG en Barreiros, repartirán bandeiras da Patria Galega ás persoas que o desexen para pendurar nas fiestras e balcóns con motivo do día da Patria, “amosándonos orgullosas e orgullosas do que somos e acreditando na nosa capacidade para valernos por nós mesmos”, anuncian desde a agrupación nacionalista.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
