Barreiros, 16 de xullo de 2014. O jazz inundará este domingo, 20 de xullo, os xardíns do Eido Dourado polos que pasarán L.A.R. Legido e Alejandro Vargas. O concerto terá lugar a partir das 22 horas con entrada libre e gratuíta.
Celso Dourado, propietario do Eido Dourado, destacou que “aproveitando tanto o Seminario de Jazz que se está a desenrolar en Burela, como o Festival de Jazz que vai a comezar en Ribadeo, decidimos entre pasos intermedios, traer o domingo ao Eido a dous grandes do jazz.” Dourado quixo destacar que “L.A.R. Legido conta cun currículo impresionante. Dende fai anos toca practicamente con tódolos grupos galegos jazzísticos, aínda que non é galego, é de Valladolid. E Alejandro Vargas é outro dos grandes. Trátase dun cubano afincado en Galicia que participa na maior parte dos grupos de jazz radicados no noso país.”
Dourado adiantou que “son dous músicos que soen dar un espectáculo fermoso e que practican un tipo de jazz que poderíamos definir como experimental, xa que mesturan todo tipo de obxectos cos sons propios deste xénero musical.” O artista barreirense quixo resaltar que “Alejandro Vargas xa estivo actuando hai tempo no Cámping Gaivota e L.A.R. Legido actuou moitas veces co grupo emblemático de jazz galego Sumrrá, que estará tocando en Ribadeo o último domingo de xullo”.
Celso Dourado rematou a presentación deste concerto animando a xente para que participe e aclarando que “os concertos sempre comezan a partir das dez da noite que é cando cae o sol. Por iso definimos esta actividade coma Concertos ó solpor . Inícianse á caída do sol e intentamos iluminar todo o xardín de forma que se mesturen todas as iluminacións”. O artista pensa que “vai ser un concerto moi bonito, sempre e cando o tempo nos axude”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
