O Grupo Municipal Socialista denuncia unha vez máis a situación caótica e lamentable que estamos a vivir actualmente no noso concello, referíndonos ao que tantas veces vimos denunciando como é o tema da limpeza.
A imaxe dantesca coa que nos atopamos o domingo a media mañá no paseo da Rapadoira, di moito do xeito de gobernar deste alcalde, cando a mediados de Xullo vemos claramente que nin sequera ten un planing de limpeza e mantemento para estas datas.
Nese lugar que di o noso rexedor que tanto temos que protexer prohibindo facer uso del de día, atopábase tal cantidade de lixo da noite anterior, que non facía falla prohibir usalo, xa que creemos que ninguén se atrevería a facer uso del. E o que é lamentable é que os propios veciños de forma cívica se tiveran que poñer a recoller gran parte do lixo para os contedores.
Incluso nas propias zonas onde si está permitido comer, o mobiliario atópase tan descuidado que chega a ser perigoso para o seu uso.
O PSOE de Foz ven denunciando esta situación do deterioro e da mala imaxe de Foz ano tras ano e o equipo de goberno o único que fai é oidos xordos ao que lle din tanto a oposición coma os propios veciños. Está claramente demostrado que este goberno actúa por impulsos e é incapaz de facerlle fronte a un problema tan serio como é este.
No rural
Esta mesma situación a están sufrindo tamén os veciños do medio rural como é o caso da parroquia de Fazouro onde o paseo do río Ouro atópase pechado ao paso dos camiñantes debido a maleza que atravesa dun lado ao outro do propio paseo, facendo que as persoas teñan que transitar pola propia carretera.
Os Socialistas de Foz lamentamos profundamente a imaxe que se está proxectando do noso pobo; cando o propio alcalde anda alardeando da numerosa cantidade de turistas que ata aquí se achegan, non temos nin tan sequera unha imaxe limpa que ofrecerlles. Ante a demostrada incompetencia, pedímoslle ao rexedor que tome medidas rápidas para cambiar esta situación, polo ben de tódolos veciños e visitantes.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
Estivo arroupado nun salón de actos repleto de xente.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
