A Comunidade de Montes de Vilaestrofe, do Concello de Cervo, quere comunicar que procedeu á autorización da ocupación de terreo solicitada pola empresa “Area Minera del Atlánticos S.L.”, para solucionar as deficiencias detectadas na mina de caolín sita no Monte Castelo, onde hai unha fenda de considerables dimensións, e posterior actividade mineira si así o consideran os responsables da empresa.
“A Comunidade de Montes, comunicoulle ó Concello de Cervo no pasado mes de outubro a presencia desta fenda, que segundo o noso criterio poñía en perigo ós veciños da parroquia de San Román de Vilaestrofe, usuarios de pistas forestais, e traballadores. No mes de decembro, a Xunta de Galicia decide paralizar a actividade mineira polos perigos que dita fenda supón, e insta a empresa a solucionar as deficiencias detectadas”, explica o presidente do colectivo, Leandro Río que recorda que lle teñen comunicado “en reiteradas ocasións á anterior dirección da empresa que debía solucionar esta situación, así como regularizar os pagos pendentes coa Comunidade, facendo oídos xordos ás nosas peticións”.
No mes de febreiro, a empresa entra nun proceso concursal, e é cando se retoman as negociacións para tratar de solucionar as deficiencias. No mes de abril, a Comunidade fai unha asemblea cos seus comuneiros, coa presenza do Administrador Consursal, no que se chega a un principio de acordo.
Recordamos que no lugar onde se detectou a fenda era terreo non ocupado para a actividade mineira, e habería que facer fronte as indemnizacións correspondentes á empresa NORFOR S.A. coa que a Comunidade tén acordado un dereito de superficie.
Por parte da Comunidade, comunicóuselle a NORFOR S.A. a desafección desta superficie (4,7 hectáreas), que agora pasa a explotar a empresa Area minera del Atlánticos S.L., poñendo á súa disposición a indemnización que estipula o contrato entre a Comunidade e dita empresa.
Dende a Comunidade queren agradecer ó Administrador Consursal de “Area Minera del Atlánticos S.L.” a “súa boa disposición por chegar a un acordo satisfactorio, que supoña a viabilidade da empresa, mantendo os postos de traballo e posibilitando tamén que a Comunidade poda facer frente as súas obrigas. Entendemos como peza clave e fundamental para chegar a un acordo a esta persoa, a cal se sensibilizou dende o primeiro momento coas nosas demandas e coa situación da empresa”.
Dende a Comunidade, así lle reiteramos tamén, que nos poñemos á súa disposición no que nós boamente podamos axudar para manter aberta unha das empresas máis importantes e emblemáticas da Mariña.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
