Ribadeo, 24 de xullo de 2014. Adegas Guímaro, da Ribeira Sacra, achegou as súas novas producións a Ribadeo e á Mariña. Fíxoo no transcurso do acto de presentación do libro A praia das Catedrais e as súas contornas. Os asistentes puideron degustar eses viños na terraza do Parador de Turismo.
O propietario da adega, Pedro Rodríguez, sinalou que “para diferenciarnos un pouco o que facemos, aparte do godello, que é a variedade top de Ribeira Sacra é unha fusión con outras variedades que tamén hai pola zona, como poden ser o albariño, o torrontés e o loureiro. O que queremos facer é algo que non perda nunca a identidade dun godello pero complementándoo con outras variedades, seguindo o que facían os grandes viticultores ou a xente que tiña os seus viños e na súa viña aparte do godello ou da mencía, no caso dos tintos, mesturaban con outras variedades, o que lle daba un toque distintivo a eses produtos cada vez máis complexos á vez que moi interesantes. Iso é o que tratamos de facer no Guímaro branco. E o buque insignia da bodega é o Guímaro de toda a vida”.
Segundo Pedro Rodríguez “o que tratamos de buscar nesta bodega é volver ás raíces porque creo que é moi importante. A tecnoloxía no mundo dos viños o que fai é globalizar e que todo sexa igual, polo que é moi importante aprender da xente antiga e aproveitarse tamén das novas tecnoloxías, porque eu creo que iso é o que ten identidade e se estivo aí durante séculos será por algo. O que tratamos é de recuperar ese estilo de facer viños”.
Guímaro ten unha presenza importante nos mercados internacionais, xa que está a triunfar en Estados Unidos e tamén en Australia.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
