San Cibrao, 27 de agosto de 2014.- A Comisión de Festas do Carme presentou hoxe o cartel da Festa do Mexillón que se celebrará este sábado día 30 na zona do porto de San Cibrao. O presidente da comisión, José Ramón Soto, a secretaria, Dolores García Caramés, representantes do patrocinador, Pescados Pena e Cétarea-Cocedero así como de Puzzle Animación, presentaron o cartel e os detalles do programa.
Unha celebración gastronómica na que se porán á venda 500 quilos deste molusco preparado ao vapor. As racións terá un prezo de 3 euros e incluirán ademais pan e viño Albariño. A degustación comezará as 13 h. na zona do porto, e prolongarase ao longo do día ata rematar existencias. Ao mesmo tempo haberá inchables para os nenos e nenas.
Unha exaltación que se celebra coincidindo co II Mercado Viquingo “co obxectivo de que ambas festas se poidan complementar, engadíndolle un atractivo gastronómico” asegura Soto, que ademais quixo aproveitar para agradecer a Pescados Pena e Cetárea-Cocedero “o seu patrocionio, co que fai posible esta festa”, así como aos colaboradores Concello de Cervo, Manuel Bea Albariño, Mariscos Sálvora e Puzzle Animación.
O presidente da comisión agarda que “veciños e visitantes se impliquen nesta festa e se animen a probar este produto galego preparado ao vapor para aproveitar ao máximo o seu exquisito sabor”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
