Lugo, 20 de agosto de 2014.- Tras o éxito acadado no Valadouro, O Incio e A Pobra do Brollón, coa participación de preto de 250 persoas, a Deputación leva a Burela, o sábado 23 de agosto, as actividades lúdico-deportivas gratuítas do Lugoteando, pensadas para todos os públicos. O organismo provincial ofrece outras 100 prazas para participar nas actividades coas que a Deputación potencia o ocio medioambiental como oportunidade económica da provincia. Os interesados xa poden inscribirse para participar, a custe cero, en www.deputacionlugo.gal ou ben no 982-260-147.
O escenario será nesta ocasión a praia urbana de Burela, que acollerá, de 15:00 a 20:00 horas, as seguintes actividades lúdicas, totalmente respetuosas co entorno:
– acuáticas: surf, deporte que consiste en manter o equilibrio de pé sobre unha táboa que é arrastrada a gran velocidade por unha onda que rompe; paddle surf, forma de desprazamento na que o navegante vai cun remo sobre un táboa de surf ou bolas acuáticas, pelotas de plástico transparente coas que se pode camiñar sobre a auga.
– terrestres: simulador de surf, que permite experimentar dun xeito dinámico a sensación de surf e que serve para aprender os primeiros pasos do equilibrio nunha táboa grazas a unha corrente de auga; colchonetas ou gyroboard, un monopatín estático co que realizar diversos xiros e maniobras.
Próximo destino: Guitiriz
A praia fluvial de Parga, no Concello de Guitiriz, recibirá o vindeiro venres 29 de agosto as actividades do Lugoteando da Deputación. Outras 100 persoas de todas as idades poderán gozar dunha ampla oferta de actividades gratuítas terrestres e acuáticas, coas que a Deputación potencia o lecer ecolóxico, e que terán lugar de 15:00 a 20:00 horas no entorno deste municipio chairego.
Para participar só é preciso inscribirse en www.deputacionlugo.gal ou no 982-260-147. Coma sempre, os menores de idade deberán presentar unha autorización firmada polos pais ou titores, que se pode descargar na web citada. No caso de quedar prazas libres, os interesados poderán inscribirse antes de comezar as actividades no propio lugar onde se celebren.
Tamén está aberto o prazo de solicitude doutras 300 prazas gratuítas (100 por Concello) para as próximas citas do Lugoteando nas mencionadas canles (www.deputacionlugo.gal e 982-260-147). O calendario é o seguinte:
5 de setembro: Vilalba, no complexo da Magdalena.
7 de setembro: A Fonsagrada, na Praza do Concello.
6 e 7 de setembro: Lugo, na área recreativa de Los Robles.
Deste xeito, a Deputación achega o Lugoteando a todas as zonas da provincia (Sur, centro, Costa e Montaña), sendo, no seu conxunto, un total de 700 as prazas ofertadas a custe cero.
Esta é a 5ª edición desta programación, coa que a institución aposta polos recursos fluviais e litorais da provincia como oportunidades económicas. Lugoteando potencia o ocio medioambiental e o turismo, ó tempo que contribúe a impulsar negocios lucenses de diferentes sectores –hostalería, gastronomía, deportes e multiaventura, etc.-, mantendo postos de emprego, especialmente no rural, e axudando a fixar poboación.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
