Cervo, 11 de agosto de 2014- O Concello de Cervo e a asociación Rego Cachón, composta por representantes das asociacións Airiños do Xunco, S.D. Cervo Sargadelos e Comunidade de Montes, deron a coñecer o cartel e o programa das festas patronais de Cervo na honra da Nosa Señora, San Roque e o Carme. O alcalde, Alfonso Villares, a edil de Cultura, Begoña Alonso, e responsables das diferentes entidades organizadoras participaron no acto.
En canto aos eventos festivos, comezarán este xoves día 14 e prolongaranse ata o sábado 23, rematando coa XXXVI Queimada Popular. Un programa que inclúe actos lúdicos, multitude de opcións para o público infantil, festas gastronómicas, eventos deportivos, actuacións musicais e citas tradicionais.
Como xa é habitual, o primeiro acto será a inauguración da exposición de manualidades no Ecomuseo de Cervo (19 h.), onde se amosarán os traballos realizados en diferentes cursos organizados pola Asociación de Veciños Cervo Sargadelos. O comezo das festas marcarao o pregón (20 h.), que nesta ocasión será ofrecido polo xornalista e director xeral de El Progreso, José de Cora, que ademais é unha persoa moi vinculada coa vida do municipio dende hai moitos anos. Media hora máis tarde comezará a IX Festa do Ovo Frito, na que está previsto servir preto de 3.000 racións de ovos fritidos con patacas, chourizo á grella, pan e bebida.
O día 15 comezará coa misa solemne ás 13 h. na honra da Nosa Señora, procesión da Virxe da Asunción e do Carme, cantada polo coro parroquial con ofrenda floral aos mariñeiros. Ás 14 h. será momento da sesión vermú coa orquestra Paraíso. Pola tarde (18 h.) celebrarase o Trofeo Sargadelos de fútbol que disputarán o SD Cervo-Sargadelos e o SD Valadouro e pola noite (22:30 h.) comezará a verbena de novo coa orquestra Paraíso e o Dúo Sesión.
Os actos do sábado 16 comezarán coa misa e procesión cantada polo coro parroquial na honra do patrón, San Roque, seguida da sesión vermú coa orquestra Fin de Siglo. Pola tarde celebrarase o tradicional Festival Folclórico Internacional (19:30 h.) que contará coa presenza dos Frieleiros, chegados dende Lisboa e xa pola noite a orquestra Fin de Siglo e o Dúo Sesión amenizarán a verbena (a partir das 22:30 h.).
Actividades infantís
O público infantil poderá gozar de numerosas actividades durante cinco días seguidos. O día 17 celebrarase o taller de cociña Master Chef Cervo infantil, novidade deste ano; o luns 18 ofreceranse xogos tradicionais e diversos talleres, o martes 19 será a quenda da Festa da escuma e xuncada, o mércores 20 o concurso de debuxo infantil e o 21 inchables. Todas as actividades a partir das 19 horas.
O día 23 celebraranse dúas citas tradicionais nas festas de Cervo como son o XVIII Mercado Tradicional a partir das 10 h. na praza do Souto e a XXXVI Queimada Popular a partir das 23 h. e que os organizadores presentarán nos próximos días. O ensaio da Queimada, que é festa de Interese Turístico Galego, terá lugar o día 22.
A edil de Cultura lembra que o Concello colabora activamente coa celebración destas festas e nas que destaca o seu “carácter tradicional” sen esquecer “que son muchas las personas que trabajan de forma altruísta para ofrecer un programa amplio y atractivo”. Alonso destaca que estas festas “son posibles gracias al trabajo conjunto de diferentes asociaciones de Cervo, que unen sus esfuerzos y se implican en cada edición para mantenerlas vivas”.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
