Lourenzá, 11 de agosto de 2014. O pleno ordinario da corporación municipal de Lourenzá correspondente a este mes de agosto celebrarase o xoves día 14 ás 12:30 horas. A portavoz do goberno local, Lupe Flórez Seivane, explicou que esta sesión “tería que celebrarse o venres, pero xa que é día festivo os tres grupos que compoñemos a corporación acordamos celebralo o día inmediatamente anterior”.
Entre os asuntos a tratar están “a ratificación da resolución da Alcaldía para a aprobación da modificación do convenio de colaboración para a xestión compartida do servizo de mantemento de espazos naturais e plan de mobilidade sostible para Lourenzá e Trabada, que se aprobou no pleno do 16 de maio. Tamén se dará conta dos informes das facturas do segundo trimestre do 2014 e do informe do segundo trimestre de Secretaría e Intervención sobre o seguimento do plan de axuste. Temos tamén a dación de conta da execución do presuposto do segundo trimestre de 2014”, anunciou Lupe Flórez.
Outros temas que se abordarán na sesión son “un escrito da xefatura territorial de Lugo da Consellería de Traballo e Benestar referente ao calendario laboral e a fixación das festas locais para o ano 2015; a aprobación da conta xeral do exercicio de 2013; e, por outra banda, en canto a propostas da Alcaldía e do equipo de goberno, temos unha referente á resolución do contrato administrativo de adxudicación da xestión da lonxa agraria de Lourenzá, na que trataremos que no prazo dun mes a deixe libre a empresa que ten a adxudicación na actualidade”.
A voceira do equipo de goberno engadiu que tamén figura na orde do día do pleno “a proposta da Alcaldía de modificación de dúas ordenanzas: por unha parte a da taxa pola prestación dos servizos das escolas deportivas municipais, na que non se van tocar os importes e basicamente do que se trata é de que a propia entidade que xestiona as escolas deportivas poida ter a posibilidade de cobrar os recibos que pagan os nenos polo servizo, xa que ata a actualidade este importe reembolsábaselles por parte do Concello e a modificación consiste en que a partir de agora se poidan cobrar eses recibos tanto no propio Concello como por parte da entidade que xestiona as escolas deportivas; e a outra ordenanza que vamos modificar é a do imposto de vehículos de tracción mecánica, para incluír unha exención para os vehículos de máis de 25 anos”.
Na sesión estudarase ademais “unha proposta da Alcaldía para aprobar unha ordenanza que regule as subvencións que no futuro se poidan outorgar dende o Concello de Lourenzá: está basicamente encamiñado a que se contemple nos presupostos do 2015 e naqueles casos nos que o Concello poida ter potestade para dar algunha axuda ou subvención que haxa unha ordenanza e unhas bases que regulen os termos en que estas subvencións, tanto por concorrencia competitiva como por adxudicación, van ser concedidas no noso Concello, xa que ata a data de hoxe non existe unha ordenanza neste tipo. E finalmente na orde do día figura unha moción que presenta o grupo municipal popular para instar á Subdelegación do Goberno a que aumente a presenza dos corpos e forzas de seguridade no noso concello, tendo en conta os últimos delitos que houbo nos pasados meses en Lourenzá, tanto nas parroquias rurais como na propia capitalidade do municipio. Queremos basicamente garantir a seguridade dos nosos veciños así como das súas propiedades: vivendas particulares, negocios, etcétera”, manifestou Flórez Seivane.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
