Ribadeo comeza este martes unha semana chea de eventos. Este martes ás 21.30 horas celébrase a gala solidaria de Anidan a favor da infancia en África no auditorio municipal. O mércores a compañía de teatro de rúa Os Quinquilláns participarán no percorrido polo pasado indiano de Ribadeo a partir das 20.30 horas dende o Teatro. O venres a compañía O Retrete de Dorian Grey ofrecerá pases teatrais polo día adiante no Parque de San Francisco a partir das 11.30 horas. No mesmo escenario celebrarase o mercadiño solidario da AECC a partir das 20.00 horas e ás 23.00 horas a sección de percusión da Banda Municipal de Música de Ribadeo ofrecerá un concerto. O sábado 9 de agosto a partir das 17.00 horas no Parque de San Francisco celebrarase o mercado das Perseidas, Mostra de Novos Creadores e Deseñadores Locais, que incluirá o concerto de de Remakers ás 20.30 horas. No Teatro, con entrada gratuíta, proxección músico-visal de fotografía de Josequín Miláns a partir das 20.30 horas baixo o nome de ‘Luz e color na ría’. E, en Cabanela, a Banda Municipal celebra o Día do Socio cun concerto e unha churrascada a partir das 21.00 horas.
Axenda da semana en Ribadeo
Relacionado
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
