Lugo, 29 de agosto de 2014.- A voceira do Grupo Provincial do Partido Popular, Elena Candia, reafirmou esta mañá que “tanto socialistas como nacionalistas, en época de crise, utilizaron o diñeiro de todos os lucenses dirixido a crear emprego, tanto para colocar aos amigos en postos de traballo, como para obter réditos electorais”.
Así o manifestou na mañá deste venres a popular despois de que onte se dese a coñecer que o Tribunal Superior de Xustiza de Galicia (TSXG) tombou o Plan Emprega promovido pola Deputación de Lugo (PSOE e BNG) no ano 2011.
Candia lembra que a sentenza 462/2014 do TSXG, confirma a sentenza 75/2014 co Contencioso número 2 de Lugo e recolle que se manipularon os criterios de selección ao aumentar, unha vez publicadas as bases, o peso da entrevista persoal sobre a proba de coñecementos para favorecer aos afíns. A popular insiste, polo tanto, en que “dúas sentenzas confirman esta situación”.
“Un Zapatero máis”
A popular remarcou que as actitudes de Besteiro no ano 2011, cando había que tomar medidas para a crise, eran “as dun Zapatero máis”. Deste xeito, Candia engadiu que o socialista “non escatimou esforzos en dirixir o diñeiro a fins electoralistas no lugar de loitar contra a lacra do paro”
O GPP xa denunciara irregularidades na selección dos beneficiarios
A voceira dos populares lembrou que o Grupo Provincial do Partido Popular xa denunciara no 2011 a existencia de irregularidades na selección dos beneficiarios, co único obxecto de utilizar o proceso para “darlle traballo aos amigos do PSOE e do BNG”.
Inclusive, os populares, xa nese mesmo ano, segundo lembra Candia, “aseguraramos que o método utilizado para colocar a quen interesaba e descartar a quen non, foi o da entrevista persoal”. “O GPP puxera sobre a mesa curiosas circunstancias como que en xeral as persoas seleccionadas eran principalmente afíns ao PSOE e tamén ao BNG, con casos como un ex concelleiro socialista, cargos e familiares do PSOE e inclusive un irmán dun candidato”.
Polo tanto, a confirmación por parte do TSXG da sentenza que emitiu o Contencioso número 2 de Lugo, corrobora as numerosas denuncias manifestadas polos populares, ao recriminarlle a socialistas e nacionalistas “a súa política sectaria, que se move por intereses propios e non polos dos lucenses”
Último Plan de Emprego: Besteiro segue utilizando o diñeiro de emprego para pagar favores políticos
Os populares tamén lembraron o último plan de emprego aprobado por socialistas e nacionalistas no 2013, que “unha vez máis chega para os próximos comicios electorais municipais, presentando importantes vicios de legalidade como son a vulneración dos principios de igualdade e razonabilidade”, matizou Candia.
O PSOE e o BNG na Deputación, neste novo plan de emprego, deseñaron unhas bases “excluíntes e discriminatorias” que, entre outros, pecharon as portas para participar no proceso a nove de cada dez desempregados, e que deixou fora a 56 concellos da provincia, favorecendo a municipios identificados pola súa cor política.
O BNG, tamén responsable
Candia lembrou que “onte escoitabamos en declaracións da CIG, que subscribimos”, que esta sentenza era un exemplo dunha utilización por parte dos partidos políticos para favorecer o clientelismo.
Dende o GPP queren recordarlle, que dese clientelismo é “absolutamente” responsable o BNG, que coorgoberna esta institución.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
