Lugo, 29 de agosto de 2014.- O responsable da área de Turismo da Deputación, o nacionalista Mario Outeiro, fixo hoxe un “balance positivo” do que vai de verán en canto a turismo na provincia de Lugo e afirmou que “a provincia de Lugo no seu conxunto consolídase ano a ano como destino turístico e avogou por continuar co traballo de “promoción conxunta dos atractivos das distintas comarcas como ofertas diferenciadas que complementan moi ben a estancia do visitante”.
Na rolda de prensa logo da Xunta de Goberno celebrada hoxe, Mario Outeiro destacou o aumento de viaxeiros dos catamaráns e das visitas aos museos dependentes da Deputación (Museo Provincial de Lugo, Museo do Mar de San Cibrao, Pazo de Tor en Monforte e Torre-Fortaleza de San Paio de Narla en Friol) no que vai de verán con respecto aos anos anteriores.
Neste sentido, destacou que os tres catamaráns que ten servizo a Deputación nos ríos Miño e Sil, nos embarcadoiros de Doade, Belesar e Os Robles, suman no que vai de verán 16.000 viaxeiros e mostrouse convencido de que “cos viaxeiros do mes de setembro superaremos os 19.000 usuarios do verán pasado”. Mario Outeiro explicou que “ano tras ano a demanda turística para facer viaxes en catamarán aumenta” e afirmou que “as rutas fluviais son un motor moi importante de atracción turística da provincia de Lugo, especialmente para a Ribeira Sacra”. 26.300 persoas fixeron estas rutas o ano pasado, fronte ás 25.900 do 2012 e as 25.000 do 2011, unhas cifras que o responsable de Turismo da Deputación agarda superar este ano, a pesares de que “a baixada de caudal no Miño como consecuencia da rotura dun caneiro obrigou a suspender a ruta dos Robles hai xa case un mes”, explicou.
6.700 persoas visitaron o Museo Provincial de Lugo no mes de agosto
En relación aos museos dependentes da Deputación, repartidos por toda a provincia, Mario Outeiro destacou o valor das súas coleccións e o feito de que sexan gratuítos e fixo fincapé en que “conseguen aumentar a oferta de carácter cultural e o coñecemento da nosa historia e das nosas tradicións por parte dos turistas que nos visitan”. Como exemplo do interese que xeran no visitante, o responsable provincial de turismo deu os datos de visitas ao Museo Provincial de Lugo no que vai de verán (4.700 persoas no mes de xullo e 6.700 no que vai de agosto). Á falta de contabilizar os datos desta última fin de semana de agosto, Outeiro destacou que “xa se superaron as cifras do verán pasado, no que visitaron o Museo de Lugo 11.224 persoas nos meses de xullo e agosto”.
Promoción conxunta
En relación á comarca da Mariña, Mario Outeiro destacou o motor de atracción que supón a praia das Catedrais, “que está a batir este verán todos os records en canto a número de visitantes”, dixo. No que vai de mes de agosto pasaron xa polas Catedrais máis de 250.000 persoas, cunha media de 10.000 persoas ao día, o que converte o areal mariñán no segundo destino singular máis coñecido e visitado de Galiza, só por detrás da Catedral de Santiago.
Mario Outeiro avogou ademais por “promocionar en conxunto toda a provincia de Lugo”. “O sector do turismo na provincia de Lugo aínda ten moito percorrido e moito potencial para medrar. As distintas comarcas de Lugo, no seu conxunto, compoñen unha oferta atractiva e variada que hai que explotar: temos mar, temos natureza, temos historia, temos patrimonio, temos gastronomía. Temos, polo tanto, moita materia prima turística nas distintas zonas: A Mariña, Lugo, os Ancares e A Ribeira Sacra. E temos que promocionar toda esa oferta de xeito conxunto para ofrecer ao visitante unha oferta completa e diversa para que quede aquí máis tempo”, defendeu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
