Galipizza & Cia e o Club de Remo Ribadeo chegaron a un acordo para que a cadea de cervexarias viveirense patrocine ao renovado clube durante as dúas vindeiras tempadas.
No acto de presentación do acordo, adoptado xa no pasado mes de maio, tomaron parte o presidente do Club, David Rivas Peña e o representante da empresa na localidade ribadense, Antonio Vázquez Cerdeiras; onde presentaron a nova equipación oficial do Club de Remo Ribadeo, que lucirá o logotipo de Galipizza & Cia nas dúas vindeiras tempadas. A súa marca aparecerá estampada no uniforme oficial de competición. Desde o Club de Remo, o seu presidente, manifestou “o agradecemento á empresa que desde o primeiro momento amosou a súa absoluta disposición, sendo unha das primeiras colaboracións privadas que tivo o club.” Neste sentido, tamén aproveitou para agradecer a todas as persoas e empresas que están a colaborar coa nova posta en marcha do club e amosouse satisfeito pola boa acollida que está
a ter a iniciativa.
Antonio Vázquez sinalou que “a aposta de Galipizza & Cia co remo ribadense é total, xa que acreditamos en que o remo en Ribadeo poida volver a ser o que foi e, como parte desta vila, temos que facer o posible por erguelo e apoialo.”
Desde que iniciaron a actividade deportiva para nenas e nenos, o pasado mes de xullo, o Club de Remo Ribadeo está a notar o apoio de todas as persoas e empresas da vila e o contorno. Así, actualmente, atópanse entrenando varios grupos de rapaces e rapazas baixo o mando de Mauricio Monteserín e Miguel Balsa, que están a prestar os seus servizos de xeito totalmente desinteresado.
Outra peza clave do remo ribadense, Miguel Millares, aportou tamén a súa axuda para conseguir
que o club no que milita actualmente, Orio Arraunketa Elkartea, cedese gratuitamente ao club 4 embarcacións que xa se atopan nas dependencias da entidade ribadense.
“É un pracer ver como todo o mundo que pode aportar calquera cousa o está facendo, o que fai que a directiva nos sintamos moi respaldada e ilusionada, porque vemos que é un proxecto no que se implica todo Ribadeo”, agradece David Rivas.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
