Cervo, 1 de agosto de 2014. O BNG volveu reclamar ao goberno local explicacións polos retrasos na posta en funcionamento da EDAR e rede de saneamento de San Cibrao sen recibir unha explicación clara e concisa por parte da alcaldía que segue botando balóns fora sen asumir responsabilidades nunha obra rematada ao 100% que segue sen actividade e causando prexuízos tanto medio ambientais como de imaxe do concello.
Para o BNG o goberno local oculta as verdadeiras razóns polas que unha obra totalmente rematada non se pon en funcionamento despois de anos de tramitación, dúas modificacións dos proxectos e obras que agora están totalmente rematadas.
Os nacionalistas acusan ao goberno local de inacción por ter paralizado un servizo esencial para a mellora medio ambiental e da imaxe do concello que recibe un ano mais milleiros de visitantes que ven como os vertidos de augas residuais sen depurar ao mar seguen sendo un problema sen resolver.
O BNG lamenta a falta de contundencia do Partido Popular no goberno local con aquelas administracións nas que gobernan – Xunta e Goberno do Estado – , ao tempo que están obsesionados por buscar a confrontación política coa única administración na que non gobernan – a Deputación de Lugo – á que reclaman con insistencia mentres obvian problemas cuxa competencia está en Santiago ou en Madrid.
O acceso ao polígono de Cuíña que Cacharro deixou morrer sen que ao goberno local lle saltaran as alarmas
A pesar de que se trata dunha obra que debera estar rematada durante a época do goberno provincial do PP, se atendemos aos prazos de execución do proxecto, o BNG apoiou a moción de urxencia presentada polo PP para impulsar a execución dun novo acceso ao Polígono de Cuíña, matizando que “unha vez mais vemos como o goberno local estivo calado cando a paralización foi responsabilidade do goberno provincial do PP en contraste coas présas e a contundencia coa que agora reclaman a mesma actuación.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
