O Instituto Galego de Seguridade e Saúde Laboral (ISSGA), dependente da Consellería de Traballo e Benestar, desenvolverá unha campaña de concienciación en 60 concellos galegos para informar sobre os perigos do manexo do tractor e dos seus aparellos.
A directora do ISSGA, Adela Quinzá-Torroja, e a delegada territorial da Xunta en Lugo, Raquel Arias, ofreceron hoxe unha rolda de prensa para presentar esta iniciativa que terá unha especial incidencia na provincia luguesa pola importancia da actividade agraria na zona.
Ao respecto, Arias destacou que Lugo é a provincia que máis tractores en uso ten en toda España e o parque de maquinaria agrícola na provincia segue crecendo a un ritmo de algo máis do 1% anual. Así, nos últimos dez anos medrou nun 10% e o censo de tractores en particular nun 15%. Iso significa que o índice de renovación é moi alto xa que, no mesmo período, as baixas no rexistro creceron máis do 50% e pese a todo segue a aumentar o parque.
Segundo indicou Quinzá-Torroja, “aínda que o ámbito de actuación do ISSGA é o laboral e, polo tanto, as súas actuacións de promoción da prevención de riscos laborais, asesoramento técnico e investigación de accidentes se dirixen ás empresas e aos traballadores e traballadoras, tamén temos a función de divulgar boas prácticas e de introducir e consolidar a cultura preventiva na sociedade en xeral”. Neste último obxectivo contextualizase esta campaña porque o 95% dos sinistros os sofren persoas maiores do medio rural que seguen a utilizar o tractor, aínda que xa non formen parte do mercado laboral. Neste sentido, máis do 52% dos sinistros mortais sófrenos persoas maiores de 65 anos.
O obxectivo da campaña é chegar a esa poboación rural que utiliza o tractor con dúas mensaxes. Dunha banda, alertar e concienciar dos riscos do manexo do tractor e dos seus aparellos e informar de cales son as causas máis recorrentes dos sinistros; e, doutra banda, como órgano técnico en materia de prevención, facilitar recomendacións básicas, que, de terse sempre en conta, evitarían os accidentes ou, cando menos, minimizarían a súas consecuencias.
Esta campaña enmárcase no ‘Programa de desenvolvemento rural sostible 2010-2014’. Coa mesma, a Xunta de Galicia, ademais de dar cumprimento á previsión recollida no Plan Estratéxico para a prevención de riscos laborais en Galicia 2011-2014, de manter como actuación prioritaria e preferente a actividade agraria, gandeira e forestal, lembra que cada vez que acontece un sinistro debe poñer en marcha dispositivos de resposta inmediata, como os que realiza o persoal de emerxencias e sanitario.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
