Celestino García Paz, en representación do Grupo Municipal Popular de Viveiro, realiza á alcaldesa da Corporación os seguintes rogos, ao obxecto de que se emenden as deficiencias sinaladas coa maior prontitude posible:
1º) Na parroquia de Valcarría, na estrada que vai desde Valcarría a Fontecova (cuxo mantemento lle corresponde ao Concello) veciños dos burgos de Xuncal e Cacheiro, así coma os usuarios que circulan por esta estrada fixéronnos chegar as súas queixas sobre a situación de abandono na que se atopa dita calzada, que presenta numerosos fochancas, polo que sería necesario mellorala e asfaltala, incluídas as chamadas curvas de Vizoso. Por iso ROGAMOS á alcaldesa que se realice o máis pronto posible o mantemento e acondicionamento desta estrada.
2º) Na mesma parroquia de Valcarría, veciños do Barrio de Forxán levan tempo observando a pouca cantidade de auga que chega tanto á fonte, que só mana por un dos dous canóns que ten, como ao propio lavadoiro, ambos de servizo público. Por iso ROGAMOS á alcaldesa que se tomen as medidas necesarias para solucionar este problema e a auga flúa con máis caudal.
3º) Na rúa Alonso Pérez (Camiño Vello) á altura da ponte do ferrocarril, na dobre curva, existe abundante maleza á beira do quitamedos. Por iso ROGAMOS á alcaldesa que inste a quen corresponda para a súa limpeza, ben sexa se é o propio Concello ou ben, se trátase de FEVE.
4º ) Na Avenida Luís Cebreiro (paseo marítimo de Covas) os pasos de peóns atópanse sen pintar, así como a falta de colocación dun paso de peóns ao final do paseo marítimo do tráfico rodado, ao que habería que engadir a falta de alumado público nas últimas farolas deste paseo marítimo. Por iso ROGAMOS á alcaldesa que se tomen as medidas oportunas para emendar estas deficiencias.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
