Ribadeo, 13 de agosto de 2014. O Club de Piragüismo Altruán organiza por noveno ano a Concentración de kaiak de mar Praia das Catedrais. O evento terá lugar o vindeiro fin de semana. As inscricións poden realizarse este xoves, 14 de agosto. A cita conta xa con máis de 30 inscritos e dende a organización móstranse convencidos en chegar a superar os 50 participantes, mellorando así os datos de asistencia de anos anteriores. A cita contará por segundo ano consecutivo cun programa dividido en dúas rutas: unha doméstica, pola propia ría de Ribadeo para persoas non expertas e outra de nivel profesional. Esta sairá o sábado 16 da praia asturiana de Pormenande e chegará ata Ribadeo. Dende este concello partirá o domingo 17 cara a Foz.
Vicente Castro, concelleiro de Deportes de Ribadeo, destacou que “a colaboración entre o Concello e o Club Altruán ven sendo nestes últimos anos permanente tanto nos eventos que organiza o club, coma na implicación que este ten nas escolas deportivas municipais. Os deportes náuticos tanto na ría, coma na costa de Ribadeo, son un dos atractivos do verán e unha maneira de potenciar turísticamente o noso concello, ademais de manifestar o seu interese como municipio punteiro en deportes acuáticos”. Castro afirmou que “tecnicamente trátase dunha proba que ten carácter lúdico deportivo e recorre a costa de Ribadeo e parte de Asturias, Barreiros e Foz. Dende o Concello colaboramos aportando infraestrutura de diversa índole para que pasen a noite os participantes e tamén no que a trofeos se refire, ademais do apoio económico dentro do concurso de subvencións que se saca anualmente a través do Concello de Ribadeo”. O edil nacionalista mostrou o seu desexo de que a proba se prolongue no tempo e asegurou que “agardamos que permaneza no futuro e chegue incluso á súa 50 edición”.
Pola súa parte, José Ángel Fernández, presidente do Club de Piragüismo Altruán, mostrouse moi agradecido co “apoio incondicional do Concello” e salientou que a proba que xa vai pola súa novena edición “non só se está consolidando, senón que está a converterse nun referente nas concentracións de kaiak de mar de navegación oceánica que hai neste momento xa non só no Cantábrico norte, senón en toda a península. Neste momento temos máis de 30 inscricións con xente que ven dende o Mediterráneo, xa que o boca a boca funciona moi ben, e ademais hai xente que repite coma os nosos amigos de Santander que veñen por cuarta vez. Esperamos chegar ás 50 inscricións superando os datos de participación de anos pasados e intuímos nesta disciplina do kaiak de mar un gran potencial de desenrolo nos vindeiros 10 anos por parte do Club de Piragüismo Altruán”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
