A Mariña, 25 de setembro de 2014.- A CIG- Ensino quere manifestar o seu apoio á directiva e a toda a comunidade educativa do IES Vilar Ponte e culpa á Consellaría de Educación do malestar deste e de moitos centros de ensino públicos da comarca polos continuos recortes nos cadros de profesorado e pola nefasta actuación diante dos diferentes conflitos que ela mesma orixina.
Despois dos conflitos do IES de Alfoz pola falta de especialistas e do Ceip de Ourol onde se eliminou unha docente sen motivo algún, agora temos a dimisión de toda a directiva do IES Vilar Ponte porque contaba cun profesor de Lingua e Literatura Castelá que tiña asignado para este curso escolar e que sen mediar palabra eliminan xusto cando ía a comezar o curso.
A secretaria da CIG-Ensino, Dores Fernández Abel, criticou a actuación de Educación nos dous casos. No caso do Ceip de Ourol, en vez de manter o profesorado que tiña, Educación resolveuno quitándollo a outro centro sen mediar ningún tipo de negociación ou consenso. “Estamos diante dunha actuación pedagoxicamente indefendible e que en vez de resolver un problema, orixina un novo. Ademais, isto supón unha diminución na calidade na atención educativa dos centros” declarou Dores. No caso do IES Vilar Ponte porque un centro non pode contar cunha plantilla –que a Consellaría aproba- e despois reducirlla da noite para a mañá. Neste caso a CIG esixe unha solución que pode pasar por cubrir a praza co persoal interino posto que era unha praza que Educación xa aceptara e a dirección contaba con ela á hora de distribuír os grupos de alumnado e cubrir así as necesidades educativas do centro.
Para a CIG é falso polo tanto que o curso comezara normalmente na Mariña como se apresuraron a anunciar os responsables da administración educativa porque estamos vendo como xorden os problemas nos centros debido a política educativa do goberno da Xunta de seguir recortando profesorado, suprimindo unidades na pública para seguir concertándoas na privada, agrupara máis alumnado, impartición de máis asignaturas con afíns, e menos recursos para a atención especializada do alumnado.
Ademais desde a CIG-Ensino queremos denunciar as actitudes ditatoriais e prepotentes que están a mostrar os cargos políticos e técnicos da Consellaría de Educación –tanto na delegación como en Santiago-, actitudes que recordan tempos pasados e formas de actuar que nunca se viran ata agora na administración educativa.
Para a CIG esta forma de actuar desde o goberno da Xunta dá a medida do pouco que lle importa ao PP o ensino público da nosa comarca. “A Consellaría non está a respectar os catálogos dos centros como no caso do Ceip de Covas nin tampouco respecta os cupos negociados cos centros para o curso escolar como sucede no IES Vilar Ponte”.
Dores Fernández Abel
Secretaría da Mariña da CIG-Ensino
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
