O conxunto barreirense enfrontouse a pasada fin de semana a cinco equipos asturianos diferentes.
O pasado sábado, o equipo dirixido por Toni Novo recibiu no Pavillón Municipal de Barreiros ó Cinco As FS, un conxunto da Terceira División ós que os barreirenses conseguiron derrotar por 5 goles a 2.
O domingo o Praias de Barreiros desprazábase ata a localidade asturiana de Boal para disputar un torneo para equipos federados baixo un formato de partidos de 25 minutos. Os barreirenses debutaron no torneo ante o equipo anfitrión, o FS Boal, que se impuxo por 2 goles a 0 nun bo partido dos mariñáns. O segundo encontro rematou con idéntico resultado, de novo un 2-0, a favor de La Sienda FS de Cangas de Narcea.
A primeira vitoria do Praias de Barreiros no torneo de Boal foi ante o Coaña FS. Os barreiresenses impuxéronse por un contundente 4-0. Os lucenses remataron a súa actuación no torneo cunha nova vitoria, neste caso, por 2 goles a 1 ante El Franco FS.
O equipo barreirense amosou unhas boas sensacións a pesar de chegar ós encontros amigables con moitas sesións de adestramento e con cansanzo acumulado.
Axenda
Esta semana o Praias de Barreiros volverá a medirse ó CD Cubelas FS. Será o próximo xoves 18 de setembro ás 21.30 horas no Pavillón Municipal de Barreiros. No primeiro enfrontamento de pretemporada o resultado final foi de empate a tres goles.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
