Trasbar, 2 de setembro de 2014.- Un ano máis o burgo de Trasbar, en Cervo, celebrará a tradicional Romaría da Santa Eufemia, unha cita coa súas festas patronais que inclúe un variado programa de actividades que se desenvolverán durante tres días: O sábado 13, o domingo 14 e o martes 16 de setembro.
Tres días de festa
Na fin de semana os actos comezarán o sábado, ás sete da mañá, coa elaboración da alfombra floral. A misa será ás 13.30h seguida da procesión e sesión vermú. Xa pola noite, as orquestras Milenium e Blue Star serán as encargadas da verbena. Logo de rematar o baile, haberá caldo gratis.
O domingo a misa será ás 13.30h, seguida da procesión e a sesión vermú a cargo da orquestra Magos de España, que tamén será a encargada de amenizar a verbena pola noite. E, coma é tradición, á tarde terá lugar o partido de fútbol de solteiros contra casados.
Dous días despois,o martes 16 de setembro, coincidindo coa festividade oficial, celebrarase a romaría da Santa Eufemia. O programa inclúe unha misa ás 13.00h para todos os devotos que queiran achegarse a poñer a Santa. De seguido, terá lugar a actuación do grupo da Asociación Clan de San Ciprián, cortesía do programa Musiqueando da Deputación provincial.
Agradecementos
Nesta ocasión a Xunta Directiva da Asociación de Veciños Burgo de Trasbar asume o reto da organización das festas e queren facelo deixando constancia dun recoñecemento expreso do traballo desenvolvido pola anterior comisión que leva moitos anos traballando a reo para facer posibles as festas para tan poucos veciños.
Desde o colectivo veciñal apuntan que a organización desta cita festiva se incorpora como unha actividade máis da asociación, da que ofrecerán a correspondente rendición de contas aos socios, tal e como se fai con todas as actividades que levan a cabo. Agradecen moi especialmente o gran esforzo económico que fan os veciños de Trasbar, así como a axuda de empresas e establecementos colaboradores e do Concello de Cervo.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
