A Coruña, 19 de outubro de 2014.- A Delegación do Goberno en Galicia informa que a Dirección Xeral de Tráfico poñerá en marcha dende este luns e durante toda a semana, ata o próximo domingo día 26 incluído, unha nova campaña especial de vixilancia das estradas convencionais, coordinada polos xefes provinciais e os xefes dos subsectores das catro provincias.
Dende a Delegación do Goberno en Galicia recórdase que un dos obxectivos prioritarios na estratexia Vial da DXT é mellorar a seguridade vial e conseguir comportamentos máis seguros nas estradas convencionais. A importancia desta campaña represéntase nas cifras que analiza a DXT en torno á sinestralidade viaria no territorio nacional. Así, en 2013, o 42% dos accidentes de tráfico con vítimas rexistráronse nas vías interurbanas e nelas producíronse o 73% das vítimas mortais.
A DXT deseñou esta nova campaña, cuxos controis queren incidir na potenciación do efecto pedagóxico, establecendo un variado control do tipo de infraccións. Por iso, sempre que sexa posible, tanto os paneis de sinalización variable coma as pantallas alfanuméricas do vehículo da Agrupación de Tráfico da Garda Civil nas inmediacións, advertirá os condutores da existencia próxima de controis.
Segundo os datos estatísticos da DXT, catro son os factores que máis inciden nos accidentes: o exceso de velocidade, o consumo de alcohol e drogas, o non uso do cinto de seguridade e as distraccións. Nese sentido, os axentes da Agrupación de Tráfico da Garda Civil vixiarán, ademais da velocidade, os adiantamentos indebidos, a inxestión de alcohol ou drogas, usos de casco e sistemas de retención, utilización do teléfono móbil durante a condución, así como de auriculares, manipulación de navegadores ou calquera outro elemento que poida producir distracción e, en xeral, calquera infracción da normativa vixente en materia de circulación vial.
Campaña anterior en Galicia
Como resultado da última campaña específica de vixilancia de vías convencionais en Galicia, desenvolvida do 21 ao 27 de outubro de 2013, controláronse 46.170 vehículos e 1.718 foron obxecto de denuncias. Cabe sinalar que, de entre as denuncias que máis incidencia tiveron para a seguridade vial, destaca o exceso de velocidade (978 denuncias) seguíndolles, a ausencia de cinto de seguridade e doutros sistemas de retención (144 denuncias) e o consumo excesivo de alcohol (121).
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
