Santiago, 10 de outubro de 2014.- A Xunta de Galicia, a través da secretaria xeral de Ordenación do Territorio e Urbanismo, Encarnación Rivas, mantivo unha nova reunión co alcalde do Concello de Foz, Javier Jorge Castiñeira, co fin de seguir avanzando no documento do Plan Xeral de Ordenación Municipal (PXOM), que será aprobado provisionalmente polo Pleno Municipal antes de finais de ano e a continuación remitirase ao Executivo autonómico para a súa Aprobación Definitiva.
O encontro, que contou coa asistencia do equipo técnico de ambas administracións e dos redactores do PXOM, veu precedido de outras reunións celebradas ao longo dos dous últimos anos. É preciso recordar que, é a partir do ano 2011, cando se produce unha reactivación do documento de planeamento, contratado en 2004, pero que levaba parado dende o ano 2009.
Neste senso, hai que destacar o percorrido que avanzou a tramitación do PXOM nestes dous últimos anos e medio, co fin de adaptar o documento aprobado inicialmente en 2007, e que xa fora exposto ao público en dúas ocasións; en 2007 e 2009.
A finais de 2013, tras a adaptación do documento á modificación da LOUGA e ao POL, o Plan de Ordenación do Litoral foi exposto novamente ao público. Esta terceira exposición pública saldouse coa presentación de 600 alegacións, a metade das formuladas no 2009.
Vindeiros pasos
O alcalde trasladou que, neste intre, o Concello practicamente recibiu a totalidade dos 30 informes sectoriais que solicitaron ás distintas administracións a finais de 2013. Así, os prazos que manexa o concello supoñen presentar, nas vindeiras semanas, ante a Secretaría Xeral de Calidade e Avaliación Ambiental, a proposta de Memoria Ambiental e, a continuación, proceder a Aprobación Provisional antes de finais de ano.
Unha vez superado este trámite, o PXOM será remitido á Xunta para a súa aprobación definitiva. A secretaría xeral disporá de un prazo de 3 meses para emitir a Orde, tras comprobar a integridade do expediente e do proxecto do documento.
Situación actual
Na actualidade o municipio de Foz, que se rexe por unha normas subsidiarias de planeamento aprobadas en 1991, ten en trámite un PXOM contratado en xaneiro de 2004 sobre o que a Xunta xa emitiu un Informe previo a aprobación Inicial (IPAI) en novembro de 2006 e que foi aprobado inicialmente en 2007 polo Pleno Municipal.
O Concello de Foz tiña concedida unha subvención ao abeiro da orde do 18 de febreiro de 2004 e do 15 de marzo de 2005 pola que se lle abonou o importe de 79.546,25€ máis 21.157,50€ de cartografía. Co que o total concedido a este municipio foi de 200.650,04 euros.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
