O Burela FS Pescados Rubén visita a pista do novel Tecuni Bilbo FS o sábado (La Casilla, 18.30 horas), na sexta xornada de Primeira División RFEF procurando darlles continuidade aos bos resultados das últimas xornadas e seguir coa escalada na clasificación.
“Veremos un equipo que seguramente defenderá de principio moi atrás, coma se nos presentan a maioría dos rivais esta tempada, e que na súa casa será máis agresivo perseguindo as contras rápidas para sorprendernos” adiantaba Quico Otero, que pedía “intensidade, orde e paciencia para seguir traballando na boa liña”. “Debemos ter moita seguridade para facer fronte a esa defensa estática, non perder balóns que nos poidan facer moito dano e non enchernos de faltas para non correr o risco da semana pasada con Amarelle”.
Dende a sétima praza, con 9 puntos, o Pescados Rubén saltará á cancha do décimo clasificado, con 4 puntos. O Bilbo, que caeu na pista do poderoso Atlético de Madrid Navalcarnero a semana pasada (5-0), estreouse en Primeira puntuando con empate no resto dos seus compromisos ata o momento (Majadahonda 4-4, Poio 2-2, Ordizia 0-0, Orvina 1-1).
O cadro mariñán porá rumbo a La Casilla o sábado ás 10.00 horas. Realizará o último adestramento da semana mañá ás 20.00 horas; segundo explicou Quico Otero “Patri continúa co proceso de recuperación, Peque, que está recibindo EPI no xeonllo, non adestrou ata onte e Bea tivo un pequeno descanso por sobrecarga”. A pesar destas incidencias, o vestiario laranxa vaise recuperando paseniño: “Vamos adquirindo o ton físico adecuado e pouco a pouco xogadoras que estiveron minguadas en pretempada van podendo amosar plenitude de facultades. Esperemos que todo iso se vaia reflectindo en resultados e xogo” concluía o adestrador burelista.
Burela Pescados Rubén: 1. Jozi 3. Cristina, 5. Claudia, 7. Peque, 9. Gaby, 10. Lara, 11. Kiko, 14. Bea Mateos, 17. Maite, 18. Shiori, 19. Paula, 20. Tainã, 13.Patri.
*Foto: Ana López Ramos (BFS-Amarelle).
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
