Foz, 16 de outubro de 2014. O alcalde focense, Javier Jorge Castiñeira, agradece a visita realizada este xoves a Foz polo presidente de Portos de Galicia, José Juan Durán, para anunciar o inicio inmediato das obras de reparación do dique da praia da Rapadoira. O rexedor subliñou que Portos de Galicia é un dos entes que máis investimentos realizou nos últimos anos en Foz.
Javier Jorge Castiñeira quixo “agradecer desde o Concello a visita, unha vez máis, do presidente de Portos de Galicia, José Juan Durán, e dos técnicos dese departamento anunciando o inicio inmediato das obras de reparación do dique da praia da Rapadoira que forma o paseo de Laredo, que encauza o río Masma e fai o canal de acceso aos portos de Foz”.
O alcalde focense lembrou que “ese dique resultou danado nos temporais do pasado inverno e agardamos a facer esta obra ata despois do verán, porque vai levar bastante tempo. Trátase dunha reparación estrutural, que necesita da incorporación de moitas toneladas de pedras na escollera e sobre todo o afianzamento dunha estrutura que quedou bastante danada nos temporais pasados. O investimento ascende a uns 175.000 euros e o prazo de execución é de catro meses. Esperemos que o tempo nos permita facelo nese período. Insisto, non quixemos que interferise no verán para que non houbese problemas para os bañistas nin para a bandeira azul”.
O rexedor tamén comentou: “aproveitamos a visita de José Juan Durán para falar de varios asuntos que temos pendentes e das obras realizadas nos últimos anos, porque Portos de Galicia foi un dos entes que máis investiu no noso concello: hai menos de dous anos realizou un dragado importante, cun investimento duns 250.000 euros; púxose unha pasarela de madeira por importe doutros 100.000 euros; fixéronse varias inversións no noso porto… Si que é verdade que hai unhas necesidades e que hai un compromiso de poder facelas de forma inmediata, por iso lles queremos agradecer a Portos de Galicia o seu compromiso con Foz”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
