Lugo, 28 de outubro de 2014.- O delegado de Cultura e Turismo da Deputación de Lugo, o nacionalista Mario Outeiro, participou na tarde deste martes xunto co presidente da AAAG, o actor Avelino González, acompañados por diferentes actrices e actores tanto amadores como profesionais da provincia, na presentación das accións formativas Buxiganga.
O programa formativo Buxiganga está inserido nun convenio de colaboración que se asinou esta mesma tarde entre ambas entidades, tendo como principal obxectivo colaborar na creación de estruturas profesionais no eido das artes escénicas, así como axudar a manter as xa existentes.
Con esta colaboración o Proxecto Teatral Buxiganga da un paso adiante e afiánzase como referente teatral da provincia tanto no eido amador coma no profesional. En palabras do nacionalista Mario Outeiro o obxectivo último é que con esta nova andaina de colaboración coa AAAG agardamos que o gusto polo teatro en Lugo continúe a medrar, sabedores de que esta é tamén unha ferramenta para mudar o mundo no que vivimos, para conquerirmos unha sociedade máis xusta e solidaria”.
Deste xeito o programa formativo espallarase por todas as comarcas chegando a Mondoñedo, Sarria, Monforte e Lugo. Na cidade das murallas impartiranse os obradoiros de Redes sociais para actrices, actores, compañías afeccionadas e profesionais impartido pola empresa de comunicación Ganapán (14 de novembro), o obradoiro de dramaturxia RVB impartido por Paula Carballeira (ao longo de varios meses) xunto co obradoiro Be Crazy impartido por Marta Pazos da compañía galega Voadora (27, 28 de febreiro e 1 de marzo, 2015). En Sarria terá lugar un obradoiro de improvisación impartido polo actor Antón Coucheiro (15, 22 e 23 de novembro), en Mondoñedo Quico Cadaval ofrecerá un obradoiro de monólogos (13 e 14 de decembro). No sur da provincia, en Monforte, Mar Navarro impartirá o obradoiro Máscara Neutra (28, 29 e 30 de novembro) tanto para profesionais como afeccionados (por currículum vitae)
Inscrición e prazas limitadas
Todos os obradoiros teñen prazas limitadas. A inscrición para os obradoiros formativos para afeccionados, que teñen un custo de 10 € para as actrices e actores que forman parte do circuíto Buxiganga e 20 € para os demais, salvo o obradoiro de dramaturxia 20 € (actrices e actores Buxiganga) e 40 € (os demais), realizarase a través da web da Vicepresidencia Primeira (www.v1deputacionlugo.org) ou ben chamando aos teléfonos 982260180 ou no 698 192 745.
Pola súa banda a inscrición para o obradoiro Redes sociais para actrices, actores, compañías afeccionadas e profesionais, que ten un prezo de 10 € para actrices e actores da provincia de Lugo e socios da AAAG, 20 € para os demais, así como o obradoiro de Máscara Neutra, cun prezo de 50 € para actrices e actores da provincia de Lugo e socios da AAAG, 80 € para os demais, deberá facerse a través do enderezo electrónico info@aaag.es, a través do teléfono 698 192 745 ou ben a través das webs tanto da AAAG (www.aaag.es ) ou ben da Vicepresidencia Primeira da Deputación de Lugo (www.v1deputacionlugo.org). No caso do obradoiro de Mar Navarro será preciso enviar xunto co formulario de inscrición, unha fotografía recente, o currículum vitae e unha fotocopia do DNI (non será preciso no caso de ser socia ou socio da AAAG).
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
