Lugo, 28 de outubro de 2014.- A delegada territorial da Xunta en Lugo, Raquel Arias, instou este martes ao Concello de Ribadeo e en particular ao alcalde de Ribadeo a “coordinar a todas as administracións no entorno da praia das Catedrais de cara a realizar unha xestión máis eficiente das achegas económicas e dotacións que se dispoñan para a zona”.
Arias, en declaracións a Cope Mariña, subliñou que, paralelamente ao Plan de Conservación que elabora a Xunta, sería necesario coordinar as accións que será necesario executar, no que se refire a estradas, medios de transporte ou dotacións e servizos públicos, e explicou que ese traballo de coordinación debe asumilo o concello de Ribadeo.
Neste sentido, convén recordar que tanto o Goberno central, como a Xunta, a Deputación Provincial de Lugo e Concello de Ribadeo posúen competencias relacionadas con esta zona.
Arias considerou que “agora, que se está a elaborar o Plan de Conservación, é o momento de establecer as bases de colaboración para as medidas futuras que as distintas administracións deban executar no marco das súas competencias”.
Deste xeito, continuou, favorecerase “a optimización dos recursos que se dispoñan para a mellora do Monumento Natural da Praia das Catedrais, evitando duplicidades entre administracións e, por suposto, gastos innecesarios”.
Elaboración do plan e aportacións realizadas pola Xunta
Con relación ao traballo que xa se está a desenvolver Conservación da Natureza para a elaboración do Plan de Conservación do Monumento Natural da Praia das Catedrais, a delegada asegurou que dende o Executivo galego seguirase coas conversas coas asociacións da zona, co Concello e con todos os axentes implicados co obxectivo de conseguir que o plan resultante sexa froito do maior consenso e permita a conservación das Catedrais e tamén o desenvolvemento económico da zona.
A Xunta destina nos orzamentos do próximo ano 100.000 euros á redacción do Plan de Conservación, que se prevé estará aprobado no verán do 2015.
Ademais, xa se implantaron outras medidas no pasado verán, como a disposición dun servizo de guías informativos que orientaron aos usuarios do areal e a instalación de paneis informativos sobre este entorno. No seu conxunto, esta medida, xunto coa elaboración do plan de conservación, implican un investimento de 160.000 euros, que serán aportados polo Goberno galego.
Pero a colaboración por parte da Xunta de Galicia con Ribadeo para facilitar medidas relativas á praia das Catedrais engloban tamén distintas actuacións que se levan a cabo a través da Mancomunidade de Municipios da Mariña, así como financiación da contratación dunha persoa para o servizo na oficina de información turística de Ribadeo e tamén de dez socorristas nos areais ribadenses, boa parte deles que estiveron destinados no areal das Catedrais.
Por último, o Executivo galego entregou 4.200 guías informativas sobre a Mariña lucense que estiveron dispoñibles nas oficinas de turismo da praia das Catedrais e de Ribadeo. Estas medidas súmanse ás actuacións postas en marcha para a regulación do uso público e a conservación da praia e o seu entorno.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
