Cúmprese un ano desde a apertura da que foi a primeira residencia da provincia de Lugo, e a cuarta en Galicia, dirixida ao coidado das persoas con enfermidade mental, unhas instalacións que supuxeron un salto cualitativo na atención deste colectivo con necesidades especiais, así como un punto de apoio imprescindible para as súas familias.
Fai 365 días tiven a honra de participar na inauguración deste centro, convidado pola Asociación de Axuda ao Enfermo Mental da Mariña, con quen veño colaborando todo este tempo, tras comprobar o admirable servizo que prestan, e a importancia de seguir dando resposta aos retos que cada día teñen que afrontar este tipo de colectivos e as súas familias.
O complexo residencial foi froito do esforzadísimo traballo dun grupo de persoas que, no seo desta asociación, teñen dedicado moitísimo tempo e moitos recursos para, desde a iniciativa social e en colaboración con apoios privados e o concurso de moitas administracións, ata tomar forma nunhas modernas instalacións cuns servizos deseñados, con gran profesionalidade, por aqueles que coñecen mellor que ninguén as súas demandas, inquedanzas e necesidades.
A Xunta de Galicia, como no podía ser doutro xeito, estivo presente. Un compromiso materializado a través do concerto de prazas co SERGAS, o de achegas específicas para levar adiante o novo centro. Só desde 2009 a Asociación de Axuda ao Enfermo Mental da Mariña contou con preto de 800.000 euros de axuda da Consellería de Traballo e Benestar, e paga a pena seguir presente.
Hoxe, aínda que por circunstancias persoais non puiden participar nos actos de celebración deste primeiro aniversario, si sinto a obriga de trasladar a miña felicitación e total recoñecemento aos seus impulsores, aos usuarios e ao colectivo de traballadores que teñen conseguido formar nese centro unha gran familia ao servizo dun obxectivo tan nobre, rompendo tabús e incomprensións, e achegando as terapias máis axeitadas.
No día do seu cumpreanos, hoxe máis que nunca, quero animarlles a seguir adiante, a seguir afrontando retos, amosando que non hai límites para quen, coa razón da súa man, busca dignificar a atención que deben recibir os enfermos mentais, erradicar a estigmatización social desta enfermidade e promover a súa rehabilitación comunitaria e laboral. Agora e sempre saben que poden contar comigo. Tamén, seguro, co resto das veciñas e veciños dunha comarca, A Mariña lucense, que recoñece, admira e apoia, e así o demostrou, iniciativas como as que fai un ano deron o seu froito na nova residencia de Cervo. A todos ese gran equipo: Moitas Felicidades!
Jose Manuel Balseiro Orol
Secretario do Parlamento de Galicia
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
