O Burela FS Pescados Rubén caeu este martes nos dezaseisavos da Copa do Rei ante o CD Mosteiro Bembrive (5-4), de Segunda B, tendo que recorrer á prórroga despois do empate 4-4 no tempo regulamentario. O equipo mariñán non quixo correr riscos para a competición ligueira e acudiu á cita sen Isi e Miguel e con reforzos canteiráns: “O pan noso de cada día é a liga e non podiamos asumir riscos para o sábado. A Copa é unha competición bonita e gustaríanos gañar pero sen condicionar o próximo partido” puntualizaba o técnico laranxa, que a pesar do resultado tamén extraía unha nota positiva. “Foi unha experiencia boa para os xogadores máis novos, que non están acostumados a competir a este nivel de esixencia e nun ambiente hostil”.
Tras rematar o primeiro período en táboas (1-1) con goles por ambos os bandos no minuto 12, de Mario –polos locais- e Matamoros, o Burela FS Pescados Rubén púxose por diante no 30, de Jorge Bellvert, aínda que as imprecisións non lle deron marxe de manobra. “Faltounos certa experiencia nalgúns momentos nun partido típico de Copa, ante un rival moi motivado e sobreexcitado. Unha perda de balón desencadeou no empate 2-2 (minuto 35) e a partir de aí o partido volveuse tolo” explicou Juanlu. Deste xeito, o Bembrive ampliou distancias no 36 e no 39 (dobre penalti), aínda que o olfacto goleador de Matamoros puido recuperarse con dobre aparición antes de cumprirse o tempo regulamentario.
Na prórroga, os vigueses anotaron o tanto da vitoria a falta de 30 segundos para o remate, cun disparo do meta local cando o Burela FS Pescados Rubén apostaba polo porteiro-xogador.
Ficha técnica
CD Mosteiro Bembrive: Eloy, Jaco, Mario Kele, Berni, Mario –cinco inicial-. Tamén xogaron Bruno, Borra, Nene, Carlitos, Murga, Yoni
CD Burela FS Pescados Rubén: Álex, Jorge, Iago Míguez, Ángel –cinco inicial-. Tamén xogaron Chano, Carlitos, Antoñito, Renato, Hélder
Goles: 1-0, minuto 12, Mario; 1-1, minuto 12, Matamoros; 1-2, minuto 30, Jorge Bellvert; 2-2, minuto 35, Carlitos; 3-2, minuto 36, Carlitos; 4-2, minuto 39, Nene (doble penalti); 4-3, minuto 40, Matamoros; 4-4, minuto 40, Matamoros (doble penalti); 5-4, minuto 45, Eloy
Árbitros: Montero Garrido // Martínez Torres
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
