A Mariña, 1 de outubro de 2014. O BNG mariñao cualificou “deserto inversor” as partidas incluídas polo goberno do estado para 2015 na comarca cunhas previsións que dividen por cinco os investimentos de 2014. “Coa A8 rematada, en uso dependendo das circunstancias climatolóxicas e sen melloras na antiga N-634 ao seu paso por Mondoñedo, coa autovía de conexión entre Barreiros e San Cibrao aínda en trámites administrativos, a ministra Ana Pastor converte en esmolas os esforzo inversor do Estado na comarca en relación aos últimos anos.” Para a responsábel comarcal, Ana Ermida Igrexas, “os efectos desta parálise inversora terá efectos demoledores na actividade económica da comarca e en consecuencia no mantemento e xeración de emprego”.
O 2015 SERÁ UN ANO PERDIDO NO ESFORZO INVERSOR DO ESTADO NA COMARCA
Para o BNG mariñao, unha vez revisadas as partidas económicas previstas polo goberno do Estado na Mariña, “o 2015 será un ano perdido no que non existe non que non veremos un so euro en novas infraestruturas na comarca”. Coa A8 rematada en uso en función das circunstancias climatolóxicas e sen melloras previstas na alternativa da N-634 non se albisca ningún investimento novo xa que na Autovía de Conexión entre Barreiros e San Cibrao, aínda pendente da redacción do proxecto construtivo, no mellor dos casos non verá maquinaria en funcionamento ate dentro de dous anos. A portavoz nacionalista, Ana Ermida, lembrou tamén que da apertura do dique norte de Morás non se sabe nada desde que o PP chegou ao goberno do Estado.
A PARÁLISE EN NOVOS INVESTIMENTOS TEN EFECTOS DEMOLEDORES SOBRE O EMPREGO E A ACTIVIDADE ECONÓMICA DA COMARCA
Para a fronte nacionalista na Mariña “as esperanzas de mantemento e xeración de emprego derivada do investimento en novas infraestruturas por parte do Estado para 2015, son unha quimera que deixa sen esperanzas a moitas pequenas e medianas empresas da comarca que agardaban polo desbloqueo de infraestruturas comprometidas como a A-82 de conexión entre Barreiros e San Cibrao”. Neste sentido, Ana Ermida, lembrou que “existían compromisos para o remate desta obra en 2014 que non cumpriron nin o goberno do PSOE nin agora o PP a quen botan en cara a falsidade dunha suposta reactivación económica que na Mariña non existe á vista da redución dun 80% no esforzo inversor en relación a 2014”.
APERTURA DUNHA CAMPAÑA SOCIAL E INSTITUCIONAL PARA MELLORAR AS CIFRAS
O BNG mariñao explica que os 3,05 millóns de euros previstos polo Estado na comarca en 2015 dividen por seis o investimento de 18,3 millóns de 2014. O 78% do investimento vaise na A8 e en obras de mellora da N-634 entre Foz e Burela, o resto corresponde a partidas de costas sen especificar e pequenas actuacións de rehabilitación. O BNG anunciou unha campaña social e institucional para tratar de mellorar estas cifras durante período de emendas que se abre no trámite parlamentar.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
