Barreiros, 8 de outubro de 2014. O BNG pregunta como é posible xustificar a realización da comida de maiores na melloría económica do concello cando no mes de agosto extinguen un contrato de traballo por causas económicas.
“É cando menos curioso que o alcalde diga que a situación económica do concello é boa cando nunha xunta de goberno do 14 de agosto deste mesmo ano se acorda extinguir o contrato de traballo dunha persoa do concello por causas económicas”, sinala a portavoz municipal Ana Ermida. No propio acordo da xunta de goberno recóllese literalmente que “dentro das causas de extinción do contrato por causas obxectivas están as causas económicas, que no concello de Barreiros son claras e notorias nos últimos anos e que obrigan a seguir tomando medidas deste tipo”.
Con isto na man, desde o BNG non dubidan en calificar as palabras de Alfonso Fuente como “unha inmensa mentira coa que pretende calar as voces críticas que cuestionan a celebración desta comida xusto antes das municipais.”
“É ben sabido que o Partido Popular en Barreiros non ten escrúpulos á hora de utilizar os medios do concello para facer a súa campaña electoral. Xa o fixo nalgún tempo con contratacións indiscriminadas e agora pretende facelo comprando as vontades das persoas maiores a cambio dunha comida”, aseguran os nacionalistas.
Desde o BNG lamentan que o PP teña en tan pouca estima ás veciñas e veciños de Barreiros e pense que con unha comida anual vai tapar a súa xestión que está obrigando ás e aos barreirenses a pagar máis por todos os servizos.
A portavoz municipal tamén sinala que “é unha pena que o único que se lle ocorra ao goberno municipal para fomentar a convivencia das persoas maiores e a relación entre elas é celebrar unha comida anual, en lugar de apostar por unha programación estable que non tería porque conlevar nin o custe económico que leva este xantar.”
Desde o BNG insisten en que “na situación actual é absolutamente impresentable que se gasten 8.000€ nun xantar que poderían destinarse a outras cuestións máis importantes para a xente. O que demostra isto é, unha vez máis, a improvisación e a falta de proxecto coa que se goberna en Barreiros.”
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
