Cervo, 17 de outubro de 2014. O BNG de Cervo votou en contra do expediente orzamentario para 2015 debatido na tarde deste xoves no pleno municipal. A formación nacionalista argumentou que o goberno local non define nos orzamentos unha estratexia para combater o desemprego e apostar pola dinamización económica, nin tan sequera serven de colchón para aquelas persoas e familias que sofren diariamente para resistir situacións económicas complicadas. Pola conta, o Partido Popular no goberno local definiu uns orzamentos con único fin de servir ao intereses partidistas nun ano que vai ser electoral e a intereses persoais do grupo de goberno.
O portavoz municipal nacionalista, Xoán Antón Estúa, negou que a redución da débeda do concello, neste momento situada en 2,63 millóns de euros, sexa froito da xestión do grupo de goberno senón dos sucesivos planes de axuste forzados polo goberno do Estado que obrigaron a apertar o cinto e a incrementar a presión fiscal sobre a cidadanía nos últimos tres anos. Neste sentido pediulle ao goberno local que non lle faga trampas á xente, dicir que o concello non incrementará taxas e impostos municipais por iniciativa propia é falsear a realidade, xa que de aplicarse as actualizacións de acordo co IPC, a presión fiscal debería reducirse.
Estúa denunciou que a partida destinada a emerxencia social leva dous anos sen tocarse e o concello deriva situacións de emerxencia a ONGs, neste sentido pediu o seu incremento e que se aprobe un regulamento con parámetros elaborados polos servizos sociais municipais que permitan con transparencia e igualdade o acceso a estas axudas das persoas mais necesitadas. En materia de servizos sociais tamén demandou acelerar as resolucións das listas de agarda para recibir asistencia a domicilio, acusan ao goberno local de ter metidas nun caixón as solicitudes por falta de persoal pero non incrementan as contratacións atender estes casos como é a súa obriga.
O BNG aínda valorando positivamente os cursos de formación dual e as prácticas remuneradas para tituladas e titulados, considera que esta política é insuficiente para combater o desemprego e apostar pola dinamización económica do concello. Con este argumento demandaron unha aposta decidida, con fondos económicos e iniciativas de impulso para o comercio, a hostalaría e os servizos, e o aproveitamento dos recursos propios do concello. Para os nacionalistas o obxectivo do goberno municipal ten que ser identificar aqueles grupos de persoas con maiores dificultades para a integración laboral e ofrecerlles formación e impulso a iniciativas que aproveiten os recursos dispoñíbeis no territorio municipal. Pola contra o PP parece estar mais interesado en buscar afianzarse no poder a base de alimentar o voto cautivo e a dependencia laboral facendo bo aquilo de que a dereita galega sempre foi un nio de caciques.
Os nacionalistas pediron recuperar o sistema de préstamo de libros que funcionou no concello durante anos para facilitar a escolarización en igualdade de condicións, lembrou que hai ANPAS que xa traballan neste sentido pero precisan axuda para continuar.
Cualificaron de ridícula a partida de investimento real que representan o 5,19% do orzamento de gasto e esixiron que se invista en infraestruturas prioritarias o millón de euros que aínda está por gastar do remanente de tesourería de 2013, neste sentido lembraron que hai parroquias completas como Rúa ou Vilaestrofe que non teñen un so metro de saneamento mentres o concello se permite o luxo poñer un céspede artificial no campo de futbol artificial no canto de facer unha boa labor de mantemento.
O BNG criticou os gastos do grupo de goberno, con catro persoas liberadas e dous salarios encubertos, aos que se debe sumar un gabinete de prensa a tempo completo sendo o único concello da provincia, xuntamente coa capital que dispón deste privilexio. En total o grupo de goberno cústalle aos 4.400 veciñ@s de Cervo preto de 140.000 euros ao ano, sen contar os gastos de propaganda ou os teléfonos móbiles dos que dispoñen todas e todos eles.
Os nacionalistas anunciaron a presentación de emendas para redistribución económica das partidas de gasto e presentarán un orzamento alternativo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
