Os voluntarios de Alcoa San Cibrao ensinarán o luns, 20 de outubro, prácticas de seguridade a profesores e alumnos do Instituto de Ensino Superior Marqués de Sargadelos de Cervo. Esta iniciativa forma parte do programa da fábrica do Mes do Voluntariado, que a empresa celebra en todo o mundo.
Os voluntarios expoñerán aos membros da comunidade educativa unha normativa básica de seguridade a aplicar nas dependencias do centro educativo para que tanto o alumnado e como o profesorado coñezan os pasos a seguir en caso dunha urxencia. Todos os participantes unirán forzas -incluído profesorado, membros da ANPA, alumnos e voluntarios- para traballar en equipo mellorando e actualizando a sinalización do instituto; pintando as indicacións de saídas e entradas, as de saída de urxencia, as liñas amarelas que marcan o arco de apertura de portas, así como os esquemas de saídas para caso de evacuación e punto de encontro. A formación de seguridade nas aulas completarase cun exercicio de evacuación de urxencia.
Alcoa e Fundación Alcoa, xunto cos voluntarios da fábrica de San Cibrao, manteñen unha colaboración estreita co IES Marqués de Sargadelos. Como froito desa colaboración destaca o ciclo Superior de Química Industrial e o proxecto de Formación en Eco-Innovación. Alcoa San Cibrao ten previsto incluír esta iniciativa de seguridade nas aulas no seu programa “Acción”, polo que a ANPA do centro educativo recibiría 3.000 dólares da Fundación Alcoa como mostra do respaldo de Alcoa á colaboración e compromiso social dos seus empregados.
Mes do Voluntariado
A formación de seguridade nas aulas forma parte do intenso programa do Mes do Voluntariado de Alcoa en San Cibrao que inclúe campañas de doazón de sangue, de recolleita de roupa para persoas necesitadas, de recolleita de tapóns de plásticos para beneficio de persoas con necesidades médicas especiais, a II Carreira Popular Solidaria e recolleita alimentos, e a limpeza e sinalización da zona de Bao en San Cibrao.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
