O Burela FS Pescados Rubén recibe mañá en Vista Alegre o experimentado e esixente Magna Navarra; o partido da 6ª xornada de Primeira División LNFS arrincará ás 18.30 horas. Os mariñáns invocarán a fortaleza do santuario laranxa para facerse cos tres puntos. “Aquí estamos dando mellor medida; os xogadores máis novos están tendo moita responsabilidade polas circunstancias e eles renden mellor na casa, algo lóxico, séntense máis seguros”.
Ambas as escuadras chegan a este envite tras un calendario complicado no inicio ligueiro, puntuando só na casa. Os pupilos de Juanlu, con 3 puntos, volven á bomboneira coa intención de recuperar sensacións de vitoria de Peñíscola, despois de caer en Palma e na Copa do Rei. Pola súa banda, os de Imanol Arregui, con 6 puntos (Santiago 5-2, Montesinos 6-2) chegarán á Mariña tras encadear as derrotas ante os grandes, Inter Movistar (3-1) e FC Barcelona (2-6), e coa esgotadora clasificación de Copa en terras castelano-manchegas (Valdepeñas 2-5).
“É un equipo con experiencia que sabe competir; ata o momento non conseguimos gañarlles en liga” puntualizaba o adestrador burelista sobre un conxunto ao que tamén se enfrontaron os laranxas en pretempada, en Asturias, caendo pola mínima (1-0). “É un rival que esixe moito, sobre todo no plano físico; comete moi poucos erros e iso obrigaranos a ter unha concentración absoluta” adiantaba o técnico laranxa, que disporá de todo o vestiario, aínda que coa dúbida de Miguel, minguado por unha contusión ósea. Nas filas navarras a única baixa será Mario, por molestias de adductores.
Convocatoria Burela FS Pescados Rubén: 1. Edu, 3. Jorge Bellvert, 5. Iago Míguez, 7. Isi, 10. Matamoros, 11.Chano, 13. Álex, 14. Miguel, 27. Carlitos, 23. Antoñito, 30. Hélder. 29. Ángel
Convocatoria Magna Navarra: 1. Asier, 3. Víctor, 4. Marc Tolrá, 6. Jesulito, 7. Carlitos, 8. Roberto Martil, 9. Dani Saldise, 10. Pablo Ibarra, 11. Samuel, 12. Eseverri, 14. Javi Saldise, 15. Raúl.
*FOTO: A Caixa Escura (temporada 2013-14).
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
