Viveiro, 28 de outubro de 2014.- A obra de Carlos Montero López permanece aínda na Sala de Exposicións do Casino de Viveiro Club Náutico, e a Mostra pecharase cun percorrido no que o creador nos falará sobre cada un dos cadros expostos. Xa o fixo o día da Inauguración, deleitando a todos os presentes. Se non estiveches, esta é a túa oportunidade: xoves 6 de novembro, ás 12:00 horas.
O día seguinte, venres 7, ás 20:30 horas, terá lugar a inauguración dunha nova exposición: a de Carmen Prado. O debuxo e a expresión plástica estiveron sempre presentes na vida desta artista luguesa, que realizou ilustracións para libros e revistas, retratos en carbón, ata que na última década toma con forza os pinceis e probando, esborranchando e investigando, vai afianzando o seu estilo. Hai obras súas en Inglaterra, Dinamarca, Francia, Marrocos, e en toda España. Esta exposición poderá ser visitada ata o xoves 27 de novembro, en horario de 11 a 14 e de 18 a 21 horas.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
