A Mariña, 2 de setembro de 2014. O concelleiro e portavoz municipal do BNG escusou a súa ausencia no pleno extraordinario celebrado na mañá deste xoves para tratar as presuntas irregularidades na contratación do proxecto e dirección de obra por parte do goberno local no “Museo e Centro de interpretación da cultura dos Pazos Galegos”. O nacionalista deixou claro o seu máximo interese en asistir a este pleno, “máxime cando foi o BNG quen destapou estas irregularidades, pero despois de 16 meses en situación de desemprego si se atopa traballo este non se pode poñer en risco”. Neste sentido criticou a hora da convocatoria – 12 da mañá dun día laborábel – “porque da a sensación de que a intención do goberno local foi dificultar a asistencia a aquelas persoas que non vivimos da política nin temos as mesma facilidade que os familiares do grupo de goberno para atopar traballo”.
César Docampo criticou a data e horario do pleno extraordinario “que non buscaba outra cousa que evitar o debate sobre un asunto tan grave como é o aproveitamento da institución municipal para beneficio persoal da familia dun membro do equipo de goberno, ademais de por en cuestión a fiabilidade dun goberno municipal que converteu unha actuación de interese como a creación no Pazo de Tovar do Museo e Centro de interpretación da cultura dos Pazos Galegos nunha lousa que hipoteca a facenda municipal”
O nacionalista acusou ao goberno local de “converter a xestión municipal nunha loita de poder entre quen estivo antes e quen está agora á fronte da alcaldía”, reafirmouse en que “é evidente que serán as veciñas e veciños de Lourenzá quen pagan as consecuencias dunha mala xestión que, de momento, xa lles fixo perder 98.000 euros da subvención anulada por AGADER por incumprimentos das condicións de concesión”
Docampo, anunciou que o “culebrón de verán” non rematou e aínda quedan episodios por editar que colocan en moi mal lugar tanto ao anterior alcalde e actual parlamentario, Vidal Martínez Sierra, como á actual alcaldesa e o Tte. de Alcalde e insistiu en que, coa documentación que existe na actualidade por decencia política algún deles xa debera ter presentado a súa dimisión.
O concelleiro ademais de escusar a súa ausencia do pleno por motivos laborais, “16 meses no paro non me permiten perder un día da traballo polo perigo de perdelo, o meu caso non é o dos familiares do grupo de goberno a quen se lles busca emprego aínda saltándose a legalidade en materia de contratación pública”, en alusión ao contrato da filla do Tte. de Alcalde contratada a dedo e sen que mediara proceso público de contratación para redactar e dirixir a obra no “Museo e Centro de interpretación da cultura dos Pazos Galegos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
