Lugo, 2 de outubro de 2014. O vicepresidente e responsábel das áreas de Benestar e Deporte da Deputación de Lugo, o nacionalista Antonio Veiga, asinou este xoves un convenio co Banco de Alimentos de Lugo. A través do mesmo, a asociación sen ánimo de lucro que fundou e dirixe Amadora Núñez Mera recibirá 4.300 euros que servirán para sufragar unha parte dos gastos derivados do aluguer do local no que gardan os alimentos e desde onde os distribúen.
Antonio Veiga destacou o importante traballo que realizan este tipo de colectivos, sobre todo tendo en conta a situación económica actual e os recortes levados a cabo polas administracións central e autonómica neste ámbito. “É patente que á situación que vivimos hoxe en día non chegamos por casualidade, senón que é debido ás políticas antisociais que se están practicando tanto dende o goberno do Estado como desde o da Xunta”, criticou.
Para intentar paliar esta falta de atención, Veiga subliñou que “dende a área de Benestar da Deputación non somos alleos ás penurias que está padecendo moita xente e neste sentido facemos este convenio co Banco de Alimentos de Lugo para axudarlles a sufragar os gastos do local desde onde distribúen alimentos, xa que cada vez necesitan máis espazo e máis alimentos para repartir, porque cada vez son máis as persoas que, desgraciadamente, se atopan nunha situación extrema e precaria”, lamentou o vicepresidente da Deputación.
Colaboración cos colectivos deste ámbito
Veiga remarcou que desde o organismo que dirixe non van deixar de colaborar con estas asociacións, dado que fan un traballo moi importante no momento actual que vivimos. “Facemos un convenio con este Banco de Alimentos do mesmo xeito que temos liñas de colaboración semellantes con moitas outras asociacións que traballan no ámbito do benestar e no de cubrir necesidades perentorias. Dende a área de Benestar, ao contrario que a Xunta e o Estado, somos conscientes da situación que se está vivindo e, na medida das nosas posibilidades e aproveitando ao máximo os recursos, trataremos de axudar a cubrir as carencias existentes”, concluíu.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
