Ribadeo, 2 de outubro de 2014. A situación económica do Concello de Ribadeo mellorou moito nos últimos anos grazas á xestión realizada polo equipo de goberno e polos técnicos. Iso é o que asegura o concelleiro de Facenda, Vicente Castro, quen subliña que “o que facemos é cinguirnos ao máximo aos orzamentos anuais e tentamos aforrar un pouco cada ano”.
No pleno da semana pasada foi aprobada cos votos a favor do BNG e abstención dos partidos da oposición a conta xeral de 2013, á que non se presentaron alegacións no seu período de exposición pública. Dita conta arroxa un saldo positivo de 874.000 euros.
Para Castro “que a situación mellorou por diversas cuestións é evidente, pero a realidade é que se pasou dun remanente negativo salvaxe, case tan elevado coma o positivo de agora, onde non se podían pagar as facturas a provedores, onde se debían as facturas de dous ou de tres anos e pasamos a pagar ao día”.
O edil nacionalista indicou que “este remanente e resultado positivo é o que nos permite poder pagar ao día, sen el non poderíamos pagar ao día porque é complicado. As subvencións non se cobran ao día, non se cobran algunhas taxas e algúns impostos e hai que recorrer á vía executiva. Isto ven desde tempo atrás, é unha situación inevitable”.
Vicente Castro considera que a situación económica do Concello mellorou grazas ao plan de pago a provedores, pero lembra que “ese plan trae consigo un pago, unha amortización de más de 100.000 euros en cada exercicio, que son tamén cartos que hai que pagar cada ano. Non son cartos que caen do ceo e nos esquecemos diso”. Para o concelleiro de Facenda detrás desa mellora está a xestión: “é xestionar os cartos, mirar que se cobren, os técnicos teñen moito que ver, pero tamén o seguimento permanente que se fai do exercicio correspondente e en cinguirse sempre aos orzamentos de cada ano, tentando aforrar un pouco… e esa é a situación real”.
Unha parte do remanente positivo de 2013, dos 874.000 euros, foron destinados a recoñecementos extraxudiciais de crédito, “e outra parte tería que ir para a amortización de débeda, tal e como marca a lei de estabilidade orzamentaria, pero si amortizamos débeda non podemos pagar aos provedores, senón quedamos sen liquidez para pagar aos provedores. Temos que ir xestionando os orzamentos da mellor forma posible”.
Deste xeito Vicente Castro sae ao paso das declaracións efectuadas nas últimas horas pola concelleira popular Azucena González.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
