Este sábado 11 de outubro os senderistas de Pasada das Cabras desprazáronse á Ribeira Sacra, para percorrer un tramo a ruta PRG-157, empezando en Lampaza (Vilar de Mouros) e finalizando en Augasmestas/Parada de Lor, ó longo do Canón do Sil onde puideron ver marabillosas paisaxes con albedros cargados de froitos maduros, sobreiras, aciñeiras, castiñeiros e carballos centenarios, e chopos que presentaban os primeiros amarelos do outono. Dende o miradoiro de Cubela pódese ver o Meandro da Cubela, elementos etnográficos como aldeas abandonadas: Froxende, Barxa, Parada e Vilar de Mouros, o complexo turístico hoxe abandonado de Augasmestas, xa preto da aldea abandonada de Parada, etc. Destacaron o Conxunto Etnográfico de Abelaira de Vilachá, con numerosas adegas tradicionais que forman unha unidade nun lugar con tradición milenaria na produción vinícola, onde a presidenta do Consello Regulador Purificación Díaz Ferreiro, a dona da adega que produce o Mencía “Val de Frades”, os agasallou cuns saborosos aperitivos e unha cata-degustación da súa marca vinícola. Ademais fixemos unha visita guiada pola adega e o museo deste conxunto etnográfico.
Pasada das Cabras nos Canóns do Sil
Relacionado
-
El Franco celebrará do 18 ao 20 de setembro o Fin de Semana do Motor en A Caridá, que reunirá a Concentración Motera 2026 e a IX Quedada de Camións Clásicos
-
O Complexo Deportivo Municipal de Navia inicia este mércores, 16 de setembro, o horario de inverno e a nova programación de actividades
-
Derradeira xornada de convivencia Ribadeo – Loktudi
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
