Lugo, 12 de outubro de 2014. O subdelegado do Goberno en Lugo, Ramón Carballo Páez, recoñeceu esta mañá o traballo “discreto, eficaz e disciplinado” dos axentes da Garda Civil no acto castrense organizado pola Comandancia de Lugo con motivo da festividade do Pilar, Patroa do Corpo.
No transcurso do acto, que estivo precedido dunha misa oficiada na parroquia de San Francisco Javier, procedeuse á imposición de condecoracións a catorce gardas civís, un policía nacional e unha funcionaria do Servizo Público de Empleo Estatal (SEPE), que foron distinguidos pola labor desenvolvida ao longo do ano:
*Cruz do Mérito Militar con distintivo blanco
-Sarxento José Ángel Quintas González
-Garda civil Juan Carlos Capón Ferreiro
-Garda civil Miguel Abelairas Pampín
*Cruz da Orde do Mérito da Garda Civil con distintivo blanco
-Sarxento Sergio Martínez Núñez
-Cabo Alfonso Carlos Otero Fernández
-Cabo Alberto Abeijón Abeijón
-Garda civil Jorge Ramón López López
-Garda civil Juan Jesús Mato Muinelo
-Garda civil Antonio Redondo González
-Garda civil en reserva Andrés José López López
-Garda civil retirado Óscar Emilio Reija Fernández
-Policía nacional Jesús Fernández Álvarez
-Funcionaria do SEPE María del Carmen Teijeiro Varela
*Cruz da constancia no Servizo (modalidade ouro)
-Garda civil Ramón Pena López
*Cruz da constancia no Servizo (modalidade prata)
-Garda civil Manuel Ángel Carballido Seijas
-Garda civil Ramón Paz Fernández
No acto rendeuse tamén unha homenaxe ao garda civil máis antigo da institución na provincia, José López Mariño, de 94 anos e veciño do Incio.
O subdelegado do Goberno presidiu a celebración, na que tamén participaron o xefe da Comandancia de Lugo, o tenente coronel Miguel Ángel González Arias; o alcalde de Lugo, José López Orozco; o xefe territorial da Vicepresidencia da Xunta, Xosé Manuel Rozas; o deputado provincial, Álvaro Santos; e o comisario xefe provincial do Corpo Nacional de Policía, Manuel Teijeiro; entre outras autoridades e representantes das forzas de seguridade.
INTERVENCIÓN DO SUBDELEGADO
No seu discurso, o subdelegado do Goberno recoñeceu e valorou a labor dos axentes da Garda Civil, un Corpo que con 170 anos de historia “é capaz de manter e aumentar o seu prestixio día a día” e conségueo, segundo considerou, “mantendo plenamente vixentes os valores da súa fundación, tales como a humildade e a vocación de servizo, ao tempo que se renova de xeito constante para afrontar os novos retos e desafíos da sociedade”. Neste sentido, referiuse á incorporación da muller á Garda Civil, un “fito histórico” do que este ano se celebra o 25 aniversario “e que supuxo romper cos roles e estereotipos asentados na sociedade ata ese momento”.
Ramón Carballo reiterou ademais o “compromiso do Goberno para modernizar as estruturas policiais e dotar aos axentes das mellores condicións posibles, incluso en momentos coma o actual, no que a contención do gasto é inevitable por mor da crise que comezamos a deixar atrás e que nos obriga a facer un esforzo extra para xestionar, dun xeito austero e eficaz, os recursos materiais e humanos dos que dispoñemos”.
O representante do Goberno na provincia fixo referencia a algunhas novidades recentes no seo da Garda Civil na provincia, como a posta en marcha da Unidade da Garda Civil do Mar, en Viveiro, a creación do Equipo Roca, dedicado de xeito específico á seguridade no rural, ou a posta en funcionamento do novo edificio do Subsector de Tráfico, na Praza de Bretaña, que permite agrupar a todos os efectivos do subsector “dotándoo dunha maior operatividade e calidade na prestación do servizo”.
DESCENSO DA DELINCUENCIA
Ramón Carballo agradeceu aos axentes das diferentes unidades e especialidades da Garda Civil na provincia o traballo realizado ao longo do ano. “Aos axentes dos grupos de seguridade cidadá, da Unidade de Policía Xudicial, do Seprona, dos Equipos de Muller e Menor, de Intervención de Armas, do Subsector de Tráfico… grazas a todos polo voso traballo discreto, eficaz e disciplinado, que contribúe en boa medida a que a provincia se manteña como unha das máis seguras de España”.
Lembrou, neste sentido, que os delitos descenderon no que vai de ano na provincia e que, nos casos máis graves, “os autores foron detidos e postos a disposición da xustiza”. Aínda así, recoñeceu que “os logros non deben lugar á complacencia, senón que deben servirnos de estímulo para traballar máis e mellor para conseguir unha sociedade máis segura e libre de ameazas”.
O subdelegado quixo aproveitar ademais a ocasión para dirixirse ao xefe da Comandancia da Garda Civil en Lugo, o tenente coronel Miguel Ángel González Arias, cando está a piques de se cumprir un ano da súa incorporación ao posto: “Grazas pola túa xenerosidade e por demostrar que a honra e o sentido da responsabilidade da Garda Civil está por riba de todo”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
