Lugo, 13 de outubro de 2014.- A delegada territorial da Xunta en Lugo, Raquel Arias, asegurou este luns que “resulta imposible entender” ao alcalde de Ribadeo, Fernando Suárez Barcia, que durante meses esixiu restrinxir o acceso á praia das Catedrais -na opinión do alcalde había perigo de acabar coa galiña dos ovos de ouro- e agora, de repente, pasa a falar de que non se reduzan as visitas ao devandito areal.
Arias considera que para o alcalde ribadense queda claro que “a realización do Plan de Conservación do Monumento Natural da Praia das Catedrais é algo residual, porque o único que lle interesa é xerar confrontación, para o que non dubida en contradicirse a el mesmo con tal de alongar todo o proceso”.
A representante do Executivo galego recordou que durante meses, o propio alcalde ribadense, en distintas declaracións públicas e tamén en conversas coa Administración autonómica aseguraba que era preciso “limitar o acceso”, abrindo incluso a posibilidade de cobrar unha cantidade aos usuarios por acceder ao areal.
Pero, nos últimos días, logo de traballar sobre a posibilidade de controlar o acceso á praia das Catedrais, o alcalde desdise e agora pide que “non se reduza o acceso”, pero “maquilla esa proposta co termo drásticamente, un detalle característico da súa estratexia vitimista: xerar alarmismo”.
A delegada territorial salienta que o plan pretende compatibilizar a preservación do monumento natural co seu uso e disfrute e tamén como xerador de riqueza para a contorna. Neste sentido, a delegada territorial agradece a participación de veciños, asociacións e institucións, como é o caso do propio Concello de Ribadeo na redacción do Plan de Conservación do Monumento Natural da Praia das Catedrais.
A pesar da actitude do alcalde, a delegada asegura que dende o Executivo galego seguirase coas conversas coas asociacións da zona e co Concello co obxectivo de conseguir que o plan resultante sexa froito do maior consenso e permita a conservación das Catedrais e tamén o desenvolvemento económico da zona.
Actuación en marcha
Arias confirmou que “a Xunta vai a seguir avanzando decididamente, gústelle ou non ao alcalde” co obxectivo de ter a disposición dos ribadenses e dos usuarios das Catedrais un plan de conservación que sexa “froito do consenso”.
A praia das Catedrais, declarada Monumento Natural no ano 2005, converteuse nos últimos anos nun importante foco de atracción turística. A masiva afluencia de visitantes, en períodos puntuais, representa un problema de superación da capacidade de acollida e, en consecuencia, un risco para a conservación dos hábitats e formacións xeolóxicas que motivaron a súa declaración.
A Xunta considerou a necesidade de establecer medidas de cara a preservar este entorno que conta, sobre todo, durante o período estival cunha elevada afluencia de persoas que se achegan para disfrutar das singularidades do areal.
Ante esta situación, a Xunta puxo en marcha xa no pasado verán unha actuación para a ordenación do uso público no monumento natural, que fose compatible coa conservación dos seus valores ambientais e o aproveitamento sustentable do recurso turístico. Tal e como expuxo Arias este plan ten dúas fases.
A medio prazo, existe unha fase máis ampla, que consiste na redacción do Plan de Conservación do Monumento Natural das Catedrais, no que se está a traballar dende xullo. Pero, de xeito inmediato impulsouse outra, que supuxo, entre outras medidas, a disposición durante o verán dun servizo de persoal informativo que orientou aos usuarios do areal e a instalación de paneis informativos sobre este entorno. No seu conxunto, estas dúas medidas implican un investimento de 160.000 euros, que serán aportados polo Goberno galego.
Así mesmo, a Xunta financiou a contratación dunha persoa para o servizo na oficina de información turística de Ribadeo, así como dez socorristas nos areais ribadenses, boa parte deles destinados no areal das Catedrais. Por último, o Executivo galego entregou 4.200 guías informativas sobre a Mariña lucense que estiveron dispoñibles nas oficinas de turismo da praia das Catedrais e de Ribadeo. Estas medidas súmanse ás actuacións postas en marcha para a regulación do uso público e a conservación da praia e o seu entorno.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
