O titular provincial, José Ramón Gómez Besteiro, presidiu este xoves o Consello de Administración de Suplusa, no que se aprobou o seu orzamento para 2015. A principal novidade do novo presuposto deste organismo dependente da Deputación é a incorporación dunha partida de 425.000 euros para a posta en funcionamento das primeiras residencias e centros de día públicos da terceira idade. Desta cantidade, 250.000 euros son para a contratación de persoal e 175.000 euros para gastos correntes (luz, auga, calefacción..).
As previsións do organismo provincial son abrir 6 centros públicos para maiores e dar emprego a máis de 60 persoas para a súa atención (persoal sanitario, de limpeza, cociñeiros, administrativos…) ao longo do 2015. Isto non só dependerá do remate das obras, senón da concesión, por parte da Xunta de Galicia, dos permisos legais imprescindibles para a súa apertura e de prazas concertadas, que o Goberno galego si outorga a centros privados.
Con respecto ás obras, as máis avanzadas son as dos centros públicos de Castroverde, Trabada e A Fonsagrada. O organismo provincial tamén executa as de Pedrafita do Cebreiro e Pol, ó tempo que está á espera do informe favorable da Xunta para poder comezar coas de Ribas de Sil. Ademais, agarda a futura modificación puntual do planeamento municipal de Guitiriz, que lle permita iniciar as da Casa da Botica. A Deputación propuxo a este Concello chairego redactarlle os documentos urbanísticos co fin de axilizar este proceso. A institución ultima o proxecto do centro para maiores de Navia de Suarna.
A Deputación achega 10,5 millóns de euros á construción das residencias e centros de día públicos de Castroverde, Trabada, A Fonsagrada, Pedrafita do Cebreiro, Pol, Ribas de Sil, Navia de Suarna e Guitiriz. Os Concellos, ademais de colaboran no financiamento mediante unha achega de 200.000 euros, teñen que aportar os terreos necesarios, así como as licenzas e servizos urbanísticos imprescindibles.
Orzamento Suplusa
O orzamento de Suplusa para 2015 suma preto de 6,4 millóns de euros, aumentando nun 7,25% con respecto a este ano debido, precisamente, á incorporación da partida de 425.000 euros para a posta en marcha das primeiras residencias e centros día públicos. As restantes partidas son as seguintes:
– 925.0000 euros para o mantemento das áreas verdes que xestiona a Deputación na provincia e que suman máis de 1.200.000 metros cadrados.
– 250.000 euros para actividades de dinamización de ditas áreas verdes. Por exemplo, cursos gratuítos de formación, xornadas didácticas e lúdicas ou implantación de hortos urbanos, entre outras.
– 100.000 euros para a terceira fase do plan de mellora na contorna do río Rato e Fervedoira.
– 55.000 euros para a escola de piragüismo.
– 150.000 euros para a recuperación da Casona do Incio.
– 535.940 euros para actuacións en impulso dos polígonos que construíu a institución en Begonte, Chantada, Castroverde, Paradela, Baleira, Ourol e Friol. Precisamente, a cantidade restante é, principalmente, para a amortización de préstamos concedidos para a realización de ditas áreas industriais.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
