Lourenzá, 24 de novembro de 2014.- A alcaldesa de Lourenzá, Emma Álvarez Chao, afirmou hoxe que as obras de reconstrución de dúas escolleras e dun muro de contención levadas a cabo na zona da área recreativa do Muíño do Pereiro tras o temporal do pasado 15 de outubro evitaron que as chuvias de onte ocasionasen de novo desbordamentos. Non obstante, a rexedora laurentina solicita a Augas de Galicia a limpeza inmediata do río Baos e anunciou o próximo inicio das obras para a creación da ruta de sendeirismo Val de Lourenzá, que transcorre tamén pola área do Muíño do Pereiro.
Emma Álvarez explicou que “as obras que fixemos na área recreativa do Muíño do Pereiro, coa reconstrución de dúas escolleras e tamén un muro de contención que resultaron danados por aquela tromba de auga que caeu o pasado 15 de outubro, fixeron posible que as choivas deste pasado fin de semana e sobre todo as de onte, domingo, non afectaran a esta área e non houbera desbordamentos. Pero agardamos que a limpeza da canle do río Baos por parte de Augas de Galicia sexa inmediata para que así os veciños e as veciñas que teñen as súas fincas paralelas a este río poidan vivir con tranquilidade as choivas que aínda quedan por vir.”
A alcaldesa engadiu que “a maiores do feito de que se fixeran estas dúas escolleras e o muro de contención, o módulo de xardinería do obradoiro de emprego da Serra da Cadeira, que está neste momento actuando nos concellos de Lourenzá, Trabada e Barreiros, e que levou a cabo o axardinamento da parcela que está ao marxe esquerdo do Río Baos, permitiu que xa se limpara unha parte dunha canle que verte auga a este río. Este feito tamén axudou a que as choivas de onte pasaran inadvertidas polo Muíño do Pereiro. Ademais dos traballos feitos cos medios propios do Concello e pola área de xardinería do obradoiro de emprego, o módulo de carpintería tamén actuou sobre a área do Muíño do Pereiro, facendo unha ponte de madeira e mesmo adaptando unha xa existente para que sexa accesible a aquelas persoas que teñan mobilidade reducida”.
A responsable municipal anunciou ademais que “esta área do Muíño do Pereiro vaise ver mellorada tamén cunha actuación que levará a cabo a Xunta de Galicia, ao crear a ruta de sendeirismo Val de Lourenzá, duns 20 quilómetros de percorrido e para a cal comezarán as obras previsiblemente a finais desta semana”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
