Lugo, 24 de novembro de 2014.- O grupo provincial popular presentará doce enmendas aos orzamentos da Deputación de Lugo para o ano 2015.
Entre outras, os populares solicitan o incremento na partida de investimentos reais para elaborar dous plans específicos de mellora das estradas provinciais na comarca da Ribeira Sacra e de A Mariña.
Con respecto a zona do Lemos, os populares denuncian o estado das estradas da zona e urxen as reparacións inmediatas. Citan, entre outras, as deficiencias na CP 5903 de Sober a Doade, a CP 5904 de Sober, por Gundivós, a Vilachá e Accesos a Santa Cruz e Sanmil, a CP 4105, de Acebre ao Apeadero de Areas ou a CP 4109 de Ferreira a Goian.
No que atinxe a zona de A Mariña, o grupo provincial popular insiste en que son necesarias actuacións en infraestructuras nos accesos ás praias de Barreiros e Ribadeo para que estas infraestructuas reúnan condicións requiridas tanto para asegurar o desconxestionamento do tráfico como para salvagardar a integridade dos peóns.
Dentro da política de Gastos Servizos Sociais e Promoción Social, o grupo provincial pide que se incremente o crédito necesario para garantir o cumprimento da Lei de Servizos Sociais de Galicia. Insiste o PP que a Deputación ten que asumir o custe do SAF en Concellos de menos de 20.000 habitantes, así como o financiamento aos ditos municipios para a contratación de persoal dos equipos con perfís profesionais diferentes e complementarios aos do profesional de referencia que se regula no artigo 37 do decreto.
No que atinxe ao POS (Plan de Obras e Servizos) o PP pide que se elabore un documento máis ambicioso e que permita cumprir coas obrigas que esixe a Lei Reguladora de Bases de Réxime Local, garantindo a asistencia económica cos Concellos.
Os populares tamén solitan o incremento nas axudas ás confrarías lucenses e se elabore unha liña de axudas para a Federación Provincial das mesmas e piden tamén que se garanta un plan de emprego regulado por unhas bases que permitan participar aos 67 concellos da provincia e poidan concorrer na selección de tódolos desempregados.
O PP tamén esixe un programa das posta en valor do Patrimonio da Deputación para reactivar os inmobles provinciais e dote económicamente un programa de posta en valor do patrimonio do Organismo Provincial, de xeito que a reactivación dos inmobles, como son o Mirador de Mondoñedo, a Casona de O Incio ou o complexo de Aguas Mestas, xeren riqueza nos lugares que se asentan.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
