Santiago, 21 de novembro de 2014.- O voceiro de Montes do Grupo Popular, Jose Manuel Balseiro, interesouse hoxe na Comisión de Agricultura do Parlamento de Galicia, sobre as medidas impulsadas pola Xunta para garantir a obriga xeral –establecida na nova Lei de Montes- de manter os terreos forestais en condicións que contribúan a previr e evitar os incendios.
Convenio Xunta Fegamp
En cumprimento desta obxectivo Balseiro explicou que o convenio asinado entre a Xunta de Galicia e a Federación Galega de Municipios e Provincias (FEGAMP) facilita a posta en marcha, en todos os concellos de Galicia, de plans municipais específicos dirixidos á defensa contra os incendios forestais e animou a desenvolvelos.
Uns plans que, salientou Balseiro, unha vez que se leven adiante servirán como instrumento para garantir que o lume non lastre a economía dos propietarios forestais, atente contra o noso patrimonio ecolóxico e poña en risco, en moitas ocasións, as vivendas, o patrimonio, e incluso a vida das persoas.
En relación con este convenio o Secretario Xeral do Medio Rural e Montes, Tomás Fernández Couto explicou, en resposta a Balseiro, que tamén permite poñer a disposición dos alcaldes e dos concellos galegos, a través da FEGAMP, dun modelo tipo de ordenanza e de bando que, unha vez aprobado, permitirá que os cidadáns coñezan con claridade a normativa reguladora da xestión da biomasa nos distintos tipos de solo, falamos dunha compilación da normativa moi clara que ata o de agora ou non existía ou se caracterizaba pola súa complexidade.
Brigadas de investigación
Na Comisión de Agricultura do Parlamento tamén se deu conta, a preguntas de Balseiro ,da iniciativa impulsada polo Goberno galego para que as Brigadas de Investigación de Incendios Forestais (BIIF) se encarguen de inspeccionar -de oficio- os predios afectados por lumes e determinar asço se as condicións destes montes dificultaron as labores de extinción ou crearon riscos especiais para a poboación.
O representante da Xunta aclarou que, feitas estas inspeccións, poderán ser obxecto de sanción os predios que incumpran a lexislación en materia de incendios forestais
Outros ámbitos de colaboración
Finalmente tamén se abordaron outros ámbitos de colaboración na loita contra os incendios que, a xuízo de Balseiro, foron moi exitosos, como foron o convenio da Xunta para apoiar a realización de tratamentos preventivos en vías e camiños de titularidade municipal, o dirixido á posta en marcha das brigadas forestais ou o instrumento de apoio para financiar o custe de funcionamento e para a operatividade de vehículos motobomba (Neste último caso a Xunta achega de 4.785,00 €/mes con este obxectivo)
A preguntas de Balseiro, o secretario xeral aclarou que todos eles se volverá a ofertar, de novo, no 2015.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
