A Coruña, 20 de novembro de 2014.- O director xeral de Enerxía e Minas, Ángel Bernardo Tahoces, resaltou hoxe a importancia da seguridade industrial como chave para incrementar a mellora competitiva do tecido empresarial galego. Así, durante a súa intervención na entrega do II Premio Asgoca de Seguridade Industrial, Bernardo Tahoces destacou a necesidade dun galardón que ten por obxectivo “por en valor a seguridade industrial como un instrumento de impulso da competitividade do tecido industrial galego”.
Neste contexto, o director xeral de Enerxía e Minas resaltou o labor que están a desempeñar neste campo as dúas empresas galardoadas este ano: Benteler Automotive Vigo, na categoría de máis de 250 empregados, e a Queserías Entrepinares, na de menos de 250 traballadores.
“Estas dúas empresas son un claro exemplo de que non estamos a falar só dunha serie de trámites a cumprimentar no eido dos recursos humanos, senón que se trata dunha actuación integral que permite optimizar todos os recursos no ámbito laboral”, sinalou Bernardo Tahoces, quen resaltou que “por fortuna en Galicia existen centos de empresas que merecerían este premio”.
Neste sentido, o director xeral sinalou o peso e o traballo do sector industrial galego, motivo polo que a Xunta desenvolve unha política industrial encamiñada a incrementar a súa competitividade.
Así, a Consellería de Economía e Industria está a desenvolver este ano un novo plan de seguridade industrial, o terceiro destas características que se realiza en Galicia, permitindo tanto á dinamización do tecido industrial como á detección temperá de condicións de risco, e a implantación de medidas preventivas. O programa contempla 775 inspeccións co obxectivo de poñer en valor a seguridade no traballo como parte fundamental dos procesos produtivos que desenvolven as compañías galegas.
Bernardo Tahoces, que estivo acompañado polo presidente da Confederación de Empresarios da Coruña, Antonio Fontenla, e pola presidenta da Asociación Galega de Organismos de Control Autorizados (Asgoca), Ana Cupeiro, subliñou a necesidade de desenvolver políticas adecuadas de seguridade industrial. Un esforzo levado a cabo desde a unidade de acción con Asgoca e que, segundo explicou, ten permitido xa a realización de máis de 1.200 inspeccións nos últimos tres anos.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
