II Seminario de Prevención de Violencia de Xénero, o vindeiro luns en Burela da man de Mujeres en Igualdad

Burela, 21 de novembro de 2014.- Mujeres en Igualdad, asociación que xestiona dende 1997 casas de acollida para mulleres maltratadas e os seus fillos en varias cidades españolas, participará o próximo luns no II Seminario de prevención de violencia de xénero de Burela.

A xornada celebrarase o luns, 24 de novembro, a partir das 17.00, na Sala de Conferencias de Burela.

Carmen Fúnez, secretaria xeral de Mujeres en Igualdad, inaugurará o seminario, no que tamén intervirán Raquel Arias, delegada territorial dá Xunta en Lugo; Ana Pacio, Xefe da Unidade Contra a Violencia de Xénero da Subdelegación de Goberno en Lugo; Mary Fraga, presidenta de Mujeres en Igualdad Burela; e Jasone Lorenzo, que abordará que entende a xuventude por violencia de xénero.

Ás 13.00 presentarase a xornada nunha rolda de prensa no Concello de Burela. Carmen Fúnez tamén detallará as actividades emprendidas pola asociación e a súa aposta pola igualdade de oportunidades e a racionalización de horarios. A asociación xestiona dende 1997 varias casas de acollida para mulleres maltratadas e os seus fillos. Dende a creación do primeiro centro, en 1997, e ata o 31 de decembro de 2013, atendeu a 1.017 mulleres e 1.175 menores, é dicir, a un total de 2.192 usuarios.