Lugo, 21 de novembro de 2014.- O Presidente da Deputación, José Ramón Gómez Besteiro, fixo este venres a ruta do cancro con veciños da provincia que se ven na obriga de viaxar á Coruña para recibir o tratamento de Radioterapia, posto que a Xunta de Galicia segue sen dotar a Lugo deste servizo. Gómez Besteiro estivo acompañado por membros da Federación de Asociacións Veciñais de Lugo e doutras autoridades, como os Alcaldes das Fonsagrada e Lugo, Argelio Fernández e José López Orozco, respectivamente, así como de Deputados provinciais.
Ás 10:30 horas, o titular provincial, xunto con Pilar García Porto, Regina Polín e Alfredo Llano, saíu do Pazo de San Marcos cara Vilagudel, núcleo da Fonsagrada, onde, ás 12:30 horas, un vehículo medicalizado recolleu a un veciño deste municipio da Montaña luguesa que recibe Radioterapia na Coruña. Xuntos partiron cara o Hospital Lucus Augusti, onde se atoparon con outro veciño na mesma situación, pero neste caso da cidade de Lugo.
Xa ás 15:30 horas, saíron dende o Hula cara o Hospital Oncolóxico de Galicia (Labaca) na Coruña, onde os lucenses reciben Radioterapia, posto que Lugo é a única provincia galega que non conta con este servizo sanitario.
Tras máis de 2 horas de tratamento, ás 18:30 horas chegou o momento de voltar a Lugo, primeiro ao Hula e logo a Vilagudel, na Fonsagrada, a onde chegaron ás 22:00 da noite.
Foron máis de 8 horas e 400 quilómetros.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
