Foz, 28 de novembro de 2014. O alcalde de Foz, Javier Jorge Castiñeira, criticou este venres ós 5 concelleiros non adscritos, que son os 4 ex edís socialistas e Jaime Cancio, porque “abandonan xa” as súas funcións na actual corporación, cando aínda faltan 6 meses para as eleccións municipais. O rexedor explicou que, no pleno celebrado este xoves, estes concelleiros votaron en contra de delegar a recadación de impostos na Deputación Provincial de Lugo argumentando que debe deixarse para o vindeiro mandato.
“En relación ao pleno de onte, o grupo de goberno do Concello de Foz síntese bastante apesarado porque o punto máis importante da orde do día, que era a delegación dos servizos de recadación na Deputación para melloralo, xa que a día de hoxe é moi mellorable, a actitude dos grupos municipais da oposición, sobre todo a dos concelleiros non adscritos (os ex do PSOE e o próximo candidato socialista, o señor Xaime Cancio) é bastante penosa e lamentable. Estes 5 concelleiros, uns e o outro, que din que non teñen ningún tipo de directriz partidaria, neste asunto o único que sostiveron foi que é un tema que debe tratar a seguinte corporación. A seis meses das eleccións están pensando xa única e exclusivamente en clave electoral”, manifestou Javier Castiñeira.
O alcalde focense considera que “se cando aínda faltan seis meses non queren facer fronte aos problemas que quedan por resolver creo que non son dignos de estar nesta corporación, polo que deberían deixar os seus escanos. Se a partir de agora todo debe resolvelo a nova corporación entendo que non van presentar ningunha moción nestes próximos plenos”.
Con respecto a actitude de Unifoz, Castiñeira comentou que “é claramente un partido dirixido aínda por Xaime Cancio, sen portavocía e sen ningunha opinión, porque ao único que se limitan é a dicir o que lles manda Xaime Cancio. Esta é a situación da oposición en Foz, o único criterio máis ou menos estable é o do concelleiro do BNG, que mantén a súa dinámica durante estes catro anos; e o resto, os cinco concelleiros non adscritos máis os dous de Unifoz, están pensando en clave electoral e no futuro, pero non o presente desta corporación, á que aínda lle quedan moitas cousas por decidir. Espero que a xente saiba valorar o que está facendo este goberno municipal, levando mocións importantes e tratando de mellorar a economía local mentres os demais levan todo o mandato bloqueando os temas importantes e deixándoos enriba da mesa, como pasou onte”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
